Útsala í október - stríð um Íshafið

 

Ef ég skil málin rétt þá eru Íslendingar í mjög klemmdri stöðu. Þessa stöðu hafa spunameistarar breska fyrrum heimsveldisins búið til.  Gordon Brown forsætisráðherra hvæsir á Íslendinga og sendir hérna  vin sinn til að semja um að maður með breskt vegabréf og fulltrúi þarlendra vogunarsjóða taki við eigum Baugs og þar með dýrmætustu veðum íslensku bankanna á brunaútsöluverði. 

Alþjóðagjaldeyrissjóðurinn er okkar helsta von núna en hann setur þau skilyrði að fyrst sé samið við Breta.  

Þetta mál er afar stórt í sniðum og hefur eldfima þýðingu ekki bara á Íslandi heldur líka fyrir Bretland. Það eru 35.000 störf í húfi í þessum fyrirtækjum að því er Jón Ásgeir segir. Það kemur fram í breskum vefmiðlum að það voru 25% breskra sveitarstjórna sem voru með reikninga á Icesave og þar voru líka geymdir sjóðir lögreglu. Svo er hryðjuverkjalögum beitt á Ísland. Það er afar loðið hvort hryðjuverkalögum hafi eingöngu verið beitt á banka (sem mér sýnist vera) eða líka á fyrirtæki sem Íslendingar eiga. Alla vega er þetta að hafa mikil áhrif ekki eingöngu á Baugsfyrirtækin heldur líka á alla verslun Íslendinga og ég geri ráð fyrir að stór hluti af fiski okkar sé selt til Bretlands.

Svo eru Íslendingar í viðræðum við Rússa um lán og myndi það verða í fyrsta skipti sem Rússar koma Natóþjóð til aðstoðar.

Hvað geta Íslendingar gert? 

Sennilega myndi koma sér ansi illa fyrir Gordon Brown forsætisráðherra Bretlands að fyrirtæki Baugs færu í þrot og aðgerðir hans yrðu til að 35.000 manns væru í lausu lofti. Hugsanlega mun það valda svo mikilli upplausn að hann hrekst frá völdum. Ekki sítum við það Íslendingar.

Hins vegar eru að mér skilst helstu eignir íslensku bankanna veð í hlutabréfum félaga eins og Baugs og það er auðvitað mikilvægt að gera ekki hluti sem verða til þess að þessi veð verða að engu. En málið er reyndar þannig núna að allt útlit er fyrir að bréf í mörgum hlutafélögum í heiminum séu orðin að engu og það er ekkert sem íslensk stjórnvöld ráða við.

Ég hlustaði á Ragnar í Silfri Egils áðan. Ég er sammála honum, við eigum ekki að ganga að afarkostum, við getum róið til fiskjar og við getum ræktað hérna rófur og kartöflur og höfum nú töluverð verðmæti uppsöfnuð í landinu til að þola töluverðar þrengingar næstu ár. Við þurfum bara að gerbreyta um lífsstíl og hugsa um að spara allt sem kemur erlendis frá.

Hins vegar hugsa ég að þær þrengingar sem þjóðir heims standa núna frammi fyrir séu ekki bara varðandi hrun í fjármálakerfinu. Hrun fjármálakerfisins mun hafa áhrif á fyrirtæki og fyrirtækin munu falla og fólk missir vinnuna.  Stórskuldug stjórnvöld hafa ekki mikið að bjóða í fjöldaatvinnuleysi þegar skatttekjur minnka á sama tíma mjög mikið.  þetta mun valda mikilli upplausn, það er viss hætta á að sú upplausn verði svo mikil að það einhver ríki verði á barmi borgarastyrjaldar, ríki sem við núna tengjum við vestræn lýðræðisríki. Stjórnvöld í þessum ríkjum munu kalla þetta "war on terror" og ekki hika við að beita lögum sem þau hafa komið sér upp til að vernda "alsherjarreglu".

Það getur líka verið að það verði vinsælt í svona ástandi að gera árás á óvinveitt nágrannaríki sem hafa gengist Rússlandi á hönd. Kannski er nú svo komið að helsta ástæðan fyrir okkur að vera í Nató er það skjól sem það gefur okkur gagnvart Bretlandi. Kannski er það ekkert skjól þegar til kastanna kemur, það er ekki víst að við samninga sé staðið. Gordon Brown og hans líkar geta spunnið upp ástæður alveg eins og þeir gátu spunnið upp ástæður til að beita hryðjuverkalögum gagnvart Íslandi. Hugsanlega var það með ráðum gert - hugsanlega var það að beita núna hryðjuverkalögum gagnvart Íslandi gert til að sá fræum í huga bresks almennings, að tengja Íslendinga við hryðjuverk. Hugsanlega var þetta raunverulegur ásetningur þessarar aðgerðar.

Við skulum vera minnug þess að flestar innrásir og stríð sem við höfum háð (ekki mjög mörg, og ekki mjög mannskæð) eru við Englendinga. Var það ekki við þá sem þorskastríðin voru háð? Voru það ekki Englendingar sem peppuðu upp Jörund hundadagakonung á sínum tíma? 

Varðskipin tvö eru nú ekkert sérlega miklar landvarnir hérna á Íslandi. 

En það þarf að hefja málaferli og reyna að skýra málstað okkar í breskum fjölmiðlum.  Það þjónar hagsmunum Breta meira en Íslendinga að hindra að fyrirtæki í Bretlandi fara í greiðslustöðvun og það er sennilegt að stjórnvöld þarlend átti sig vel á því.

Sókn er stundum besta vörnin.

Samskipti Philips Green og Íslendinga endurvakin

Sjóræningjaþjóðin

Sagan um Ísland og ævintýrið um hvað gerðist á Íslandi er vinsælt umfjöllunarefni í heimspressunni þessa daganna.  Greinin Iceland meltdown í Sunday Times er afar vel skrifuð en hún er mikil einföldun á sögunni um hvað gerðist. Greinin er skrifuð eins og víkingasaga, væringjasaga af Íslendingnum Thor sem byrjaði víkingaáhlaup sín í Pétursborg og bruggaði þar mjöð. Síðan setti hann upp bækistöðvar á Íslandi til að vera í skjóli krónunnar og hóf strandhögg við Bretland.  Hann og svipaðir aðilar sem óðu í lánsfjármagni fóru á "acquisition spree" þar sem skuldsett yfirtaka en ekki sverð og spjót er víkingavopn 21. aldar.  Greinin er líka um víkingahöfðingjann Davíð sem yrkir ljóð og lofar Auden og vill búa til land sem skáldin dásama en ræður einn öllu og stjórnar með ofríki.

Það er vissulega illa komið fyrir Íslandi og það er að hluta til komið vegna rangra ákvarðana stjórnvalda og seðlabanka og vegna þess að útrásarvíkingar sem áttu banka eða ítök í bönkum sem lánuðu þeim peninga komust upp með að stunda einhvers konar fjárhættuspil og matador með stórar verslunarkeðjur í Bretlandi. 

Ég hugsa hins vegar að þegar rykið sest þá muni sagan af því sem gerðist á Íslandi vera meira sett í samband við það sem gerðist í heiminum. Það er nefnilega ekki víst að ástandið sé neitt miklu betra annars staðar og  núna í dag 12. október eru voldugust þjóðir heims á fundi í París að taka örlagaríkar ákvarðanir. Hugsanlega ákvarðanir um að helstu verðbréfamarkaðir heimsins verði lokaðir um sinn.

En ástæðan fyrir því að sagan af Íslandi er sögð núna er vegna þess að þar féllu bankarnir. Íslenskir bankar stóðu vissulega á brauðfótum en það gera líka bankar um allan heim. Það var hins vegar íslensku þjóðinni algjörlega ofviða að bjarga bönkunum og það kemur reyndar mér og sennilega öllum Íslendingum núna á óvart að við séum sem þjóð ábyrg fyrir einhverjum hluta af innlánum á netbankareikninga í Bretlandi og Hollandi. Það er ansi mikill skellur fyrir íslensku þjóðina að þurfa að taka á sig slíkar skuldbindingar. Við verðum bara að bíða og sjá hvað kemur út úr þessum samningum til að sjá hve miklar skuldir Íslendingar þurfa að taka á sig. Geir segir að ríkissjóður okkar sé núna nánast skuldlaus. Það getur að þrátt fyrir að þessar ábyrgðir ríkissjóðs falli á okkur þá verðum við ekki skuldugri en þjóð heldur en t.d. Bretar og Bandaríkjamenn.  

Ísland enn í kastljósinu

Búið að semja um Icesave við Breta (skv. Sky.com)

Skrýtið hvað fréttir eru mismunandi.  Fréttin Icesave Agreement Reached with Uk er á Sky.com en á mbl.is stendur bara "Stefnt á fund með Darling". Reyndar aðeins talað um "significant progress" og það stendur:

Officials have agreed in principle on an accelerated payout to retail depositors of failed Landsbanki's Icesave bank.

Þessir Icesave reikningar og hvernig með þá var farið eru ekki gott mál fyrir Íslendinga. Íslensku bankarnir voru með allt, allt of hátt lánshæfnismat og þeir fengu fólk á Bretlandi til að setja peninga þarna inn með að tengja reikningana við ímynd Íslands og að þetta væri 120 ára gamall  banki.

Það er mjög auðvelt að auglýsa gríðarháa vexti en til að það sé raunhæft verður bankinn að geta ávaxtað það fé  en það sé ekki notað til að bæta lausafjárstöðu. Egill skrifar bloggið  Glaður yfir Icesave þar sem vitnað er í gamalt viðtal við Sigurjón Árnason fyrrum bankastjóra Landsbankans. Í því segir

"Ráðgjafar Landsbankans ráðlögðu honum eins og hægt væri að tengja verkefnið eins mikið og hægt væri við Ísland enda væru Bretar jákvæðir gagnvart Íslandi og myndu sjá að bak við verkefnið stæði traustur 120 ára gamall banki sem var metinn af alþjóðlegum fyrirtækjum."

Það var víða sem ímynd Íslands var notuð til að fá fólk erlendis til að leggja fé í íslenskar fjárfestingarstofnanir. Þannig var forsetaembættið notað til að greiða götu íslenskra fjárfestingarfyrirtækja. 

Hér á myndinni er Sheikh Hamad bin Khalifa al-Thani, Emír í Katar að taka á móti Ólafi Ragnari Grímssyni forseta Íslands.

Bróðir emírsins keypti hlut í Kaupþing rétt áður en sá banki féll. Ég hugsa að ímynd Íslands og för forseta okkar til Katar hafi gert það að verkum að stjórnvöld þar treystu Íslendingum.

En ímynd Íslands var notuð í báðum tilvikum til að fá  fólk til að leggja fé á reikninga og leggja inn meira hlutafé vegna þess að bankarnir réru lífróður til að "endurfjármagna sig og breyta lausafjárstöðu". 

Það er því miður svo að nú er svo komið að ímynd Íslands er minna en einskis virði í viðskiptum, meira að segja er hún það lítils virði að Íslendingar eru núna ofsóttir eins og terroristar í Bretlandi. 

Þó ég sé mjög leið yfir þessum  bankaviðskiptum og hve margir tapa nú þegar íslenska bankakerfið hrundi þá breytir það því ekki að ég er reið út í Gordon Brown forsætisráðherra Bretlands og hegðun hans er hættuleg. Hann sýnir að "War on terror" er orðið aðför lögregluríkis að öllum - í þessu tilviki Íslendingum.

Hver verður næstur tekinn fyrir  með terroristalögum?

Hingað til hafa það verið múslimar í Bretlandi en núna er sviðið breytt.
Núna er þar bæði Islam phobia og Iceland phobia.

 

Stefnt á fund með Darling

Kreppuvaktin

Guardian segir að sendinefndin sé lent og flytur fréttir af öllum ráðamönnum Bretlands í fréttavakt sinni  Bank Crisis live

Þeir vita samt greinilega ekki mikið um veikindi Ingibjargar Sólrúnar því þeir segja.

12:49pm:
Both Iceland's president and its foreign minister are currently recovering from heart surgery, according to the Iceland review.

Gordon Brown  er óspar á yfirlýsingar um Ísland: 

12:18pm:
"I'm trying to persuade other countries to do exactly what we've done" Gordon Brown said in an interview in Swindon.

"Times will be tough for some time, but I believe we will see our country through this," he adds.

On savings in Iceland he says: "Iceland has got to take responsibility for this situation. We are doing everything in our power for the money to be returned."

 

 

11:51am:
A Downing Street spokesman has defended the government's tough talking on Iceland. "They had indicated that they would be giving preferential treatment to domestic creditors over overseas creditors," he said.

A Treasury delegation, including officials from the Bank of England and the Financial Services Authority, has arrived in Reykjavik.

Þeir spyrja líka hvar þeirra þjóðhöfðingjar séu á stund neyðarinnar í Bretlandi (markaðir eru að kolfalla þar)

11:08am:
Where are our leaders at this difficult time? Gordon Brown has gone to steam museum in Swindon to talk about energy prices. Alistair Darling is on his way to Washington to call for more global measures to tackle the crisis.

Breskur bloggari spáir því að þessi kreppa muni jafna út auðlegðina. Það er nú skynsamlegt. Hún hefur þegar gert það á Íslandi nema náttúrulega einhverjum af þessum 20-30 hafi tekist að koma sínum spilapeningurm undan. 

10:59am:
"Once we hit bottom of this downturn, some years hence in all probability, we may experience a democratisation of wealth and opportunity like none seen since the end of World War II," blogs London Banker. 

10:17am:
Jim Rogers, the US investment guru, has just appeared on Bloomberg and taken a pop at the politicians and officials that he blames for causing the crisis (according to my colleague Graeme Wearden).

"Markets are collapsing because they have no confidence in the various government plans," said Rogers, who named and shamed Ben Bernanke of the Federal Reserve and Treasury secretary Henry Paulson.

"These are the same guys who don't know what they're doing, who haven't got a clue and have been wrong wrong wrong. That's why the markets are collapsing."

Hmmm... það er eins og ég kannist við ástandið, voru það ekki Geir Haarde og co sem bjuggu til og stýrðu þessu kerfi sem núna er að hrynja? Geta sömu menn gert við kerfið og greint vandamálið?

9:31am:
ECS, an American working and blogging in Iceland is staying put for now: "I'm going to weather the storm for now, but if Iceland has now become so poisonous that nobody will trade or do business with it, I may have to update that plan. Hopefully should it come to that, I'll still have enough money to escape."

Ha? Er Ísland orðið eitrað? 

9:01am:

"Imagine our surprise to learn that Gordon Brown had invoked fricking terrorist legislation in order to freeze Kaupthing's assets," writes Icelandic blogger Alda on her Iceland Weather Report.

"The whole thing seems totally and utterly out of proportion and the British Prime Minister completely out of line," she adds.

Alda says that Icelanders are demanding to see a transcript of a conversation between Alistair Darling and the Iceland finance minister about compensation for savers.

Sendinefnd Breta væntanleg

Umbrotatímar fyrir Ísland

"Megir þú lifa á áhugaverðum tímum "  eða  May you live in interesting times er kínverskar bölbænir og það er nokkuð til í því. Kyrrlátt og hamingjuríkt líf þar sem ekkert ófyrirsjáanlegt gerist er ekki fréttaefni heimspressunnar, ekki það sem skráð er í annála og sögubækur. Það eru vissulega áhugaverðir tímar núna og það sem er að gerast á Íslandi er allra áhugaverðast, svo áhugavert að hamfaraauga heimspressunnar horfir núna á Ísland. Vinir okkar Norðmenn þakka fyrir að þeir séu ekki í sviðsljósinu, þeir ætla ekki einu sinni að mæta á ársfund alþjóðagjaldeyrissjóðsins.

Það er hins vegar ekki þannig að heimurinn í kringum okkur sé rólegur á meðal við velkjumst hérna í ólgusjó. Það er brjáluð panik á hlutabréfamörkuðum, Asíumarkaður kolféll í nótt og Bandaríkjamarkaður í gær. Evrópumarkaður er á dúndrandi niðurleið. Það getur verið að það verði hreinlega að loka mörkuðum. Hvað gerist þegar Wall Street opnar?

Dagurinn í dag veit ekki á gott fyrir heiminn. Það er augljóst að fjármálakerfi kapítalismans er að brotna niður og það heldur áfram að brotna vegna þess að þetta er eins og hús sem leit kannski vel út á yfirborðinu en var svo illa byggt og orðið svo skrýtið að undirstöðurnar á húsinu voru engar undirstöður heldur einhvers konar útskot í lausu lofti og byggt úr lausum einingum sem splundrast  og þó þær hafi kannski virkað eins og sléttur veggur þar sem múrsteinarnir héldu hver öðrum uppi þá er þetta kerfi sem þolir enga jarðskjálfta. 

Fjármálamarkaður heimsins í dag er eins og stórt illa byggt hús úr múrsteinum  í ofurjarðskjálfta. Við sjáum núna að það hefði þurft að vera þarna hús sem væri úr járnbentri steinsteypu en þannig er það ekki.  Ég held að það sé örvænting víða amk hjá þeim sem átta sig á hvað er að gerast en það er í gangi sjónarspil til að blekkja almenning víða um heim, til að láta fólk halda að stjórnvöld hafi þetta einhvern veginn undir kontról. Þess vegna mæna augu heimsins til Íslands "If we can understand Iceland then we can understand what is happening", já og kannski er undir niðri djúp hræðsla um að lenda í sömu sporum og Ísland. Það er grein á Sky.com núna sem veltir fyrir sér hvort það sama geti gerst með Bretland Could Britain go bust?

Ég held ekki að rússneskt lán sé fast í hendi fyrr en það kemur og ef það kemur, ég held að tímarnir séu svo viðsjárverðir að lán sem mér sýnist vera 1% af gjaldeyrisforða Rússa sé ef til vill of mikið fyrir þá þjóð þó það sé augljóslega mjög mikilvæg langtímastrategía hjá Rússum að hafa hér meðvind. Ég held að hinn hortugu orð breska forsætisráðherrans séu óbein hótun sem á grunn í peningum en líka eins konar aðvörun til Íslendinga um viðmótið til Litla-Rússlands út í miðju Atlantshafi. Það má alveg beita terroristalögum gagnvart svoleiðis þjóð. Gordon Brown verður eflaust ekki skotaskuld að sannfæra sína heimamenn um að hér á Litla-Rússlandi séum við búin að koma okkur upp kjarnorkuvopnum og það sé mikilvægt að ráðast á landið. Já og sölsa undir sig mikilvægar auðlindir í orkuhungruðum og matvælaþurfi heimi.  

Nú er bankakreppan á Íslandi ekki lengur bara bankakreppa, hún er orðin barátta voldugra stórvelda um yfirráðin yfir Norðurslóðum.  Hér er grein á visir.is

Ein verstu mistökin í kreppunni að veita Íslandi ekki gjaldeyrislán

Maddox tekur fram að Geir Haarde forsætisráðherra hafi sagt að rússneska lánið komi án skilyrða. Hinsvegar megi benda á að staðsetning Íslands í miðju norðanverðu Atlantshafi falli vel að hagsmunum Rússa sem hyggjast hefja olíuvinnslu við Norðurpólinn um leið og ísinn þar hverfur á næstu árum.  

Íslenska fjármálakerfið er hrunið og Ísland er orðið bitbein í valdabaráttu stórvelda. Bankakreppan er svo að síast út í íslenskt samfélag, hér þurrkast út blómlegur atvinnuvegur þ.e. bankageirinn og hér munu fjöldi fólks missa vinnu og fjöldi fyrirtækja missa alla tekjustrauma og svo geta stjórnmálaaðgerðir Breta haft mjög afdrifaríkar afleiðingar, það má ekki gleyma að Evrópusambandið er einn stærsti viðskiptamarkaður okkar.

Dagurinn í gær og dagurinn í dag stefna í að verða áframhaldandi stjórnlaus paníkk í hinum vestræna heimi. Við lifum sannarlega á áhugaverðum tímum.

Ekki bara hryðjuverkalög

Terroristaveiðar Gordon Brown

Gordon Brown og breska ríkisstjórnin hefur sýnt ríkisstjórn Íslands dæmafáa lítilsvirðingu á stund neyðarinnar. Þetta er líka verulega hættulegt og sýnir beint stjórnarhætti í Bretlandi þessa daganna og hve hættulegt það er að eiga þar viðskipti. Ef þér vegnar illa í viðskiptum og kemst í greiðsluþrot þá getur þú átt á hættu að lög um hryðjuverk eigi vil þig og starfsumhverfi þitt. Vonandi áttar heimsbyggðin sig á þessu og vonandi áttar upplýstur breskur almenningur sig á þessu. London er eða var alþjóðleg viðskiptamiðstöð og þar voru sett upp mörg fyrirtæki í eigu erlendra aðila. Ætlar Gordon Brown að nota hryðjuverkalöggjöfina gagnvart þeim öllum ef eitthvað gerist í rekstri þeirra sem hugsanlega verður fyrir því að einhver annar bíði fjárhagslegt tjón? Eða trampar Gordon Brown bara á  smáþjóðum þegar þær eru svo niðurkýldar að það er alveg víst að þær geta ekki kýlt til baka.

Mun ríkisstjórn Gordon Brown gera það sama og allar gerræðisstjórnir hafa gert þ.e. smám saman fikra sig upp á skaftið  og beita hryðjuverkalögunum á illa stæð bresk fyrirtæki nú og svo smán saman færa sig yfir til almennings. Vei þeim sem ekki getur staðið í skilum í Bretlandi. Gordon Brown mætir með hryðjuverkalögguna til þín og hefur EKKERT fyrir að kynna sér málið áður. Skjóta fyrst og spyrja svo.  Það hefur komið í ljós að fjármálaráðherrann Darling panikeraði út af hvernig skilning hann lagði í eitthvað símtal við Árna Mathiesen fjármálaráðherra. Nú hugsa ég að Árni sé ekkert allt of sleipur í enskunni og það geti vel verið að það hafi verið misskilið það sem hann sagði en aðfarir bresku ríkisstjórnarinnar eru þeim og allri bresku þjóðinni til skammar.

Ekki bara stórmóðgun við Íslendinga heldur líka opinberun á því hvað stjórnarfarið er slæmt í Bretlandi og hvað stjórnvöld þar hika ekki við að beita hryðjuverkalögum gegn hversu sem þeim sýnist.

 Um þessi log sem Gordon Brown beitti á íslendinga segir:

 

Anti-Terrorism, Crime and Security Act 2001

The Anti-Terrorism, Crime and Security Act 2001 (ATCSA) was introduced in order to provide stronger powers to allow the Police to investigate and prevent terrorist activity and other serious crime.

The measures are intended to:

• cut off terrorist funding
• ensure that government departments and agencies can collect and share information required for countering the terrorist threat
• streamline relevant immigration procedures
• ensure the security of the nuclear and aviation industries
• improve security of dangerous substances that may be targeted/used by terrorists
• extend police powers available to relevant forces
• ensure that we can meet our European obligations in the area of police and judicial co-operation and our international obligations to counter bribery and corruption

 Read the full text of the Anti-Terrorism, Crime and Security Act (new window).

 

Mjög óvinveitt aðgerð

Gordon Brown er ómerkilegur lýðskrumari sem trampar á Íslendingum

Forsætisráðherra Bretlands hefur sýnt í dag að hann svífst einskis til að auka vinsældir sínar heima fyrir. Hann þarf kannski af því að halda, hann er afar óvinsæll. En hann hefur snúið ranghverfunni að Íslendingum  í dag og hikar ekkert við að lítilsvirða og móðga íslensku ríkisstjórnina og þar með alla íslensku þjóðina. Það er sjálfsagt að útkjá mál eins og þetta með netbankareiknina í gegnum málaferli, það er reyndar afar mikilvægt að fá út úr því skorið hver er lagaleg staða einhverra bankareikninga sem eru til í einskismannslandi Internetsins en hafa uppruna á einum stað (Íslandi) og höfða til viðskiptavina í öðru landi (Bretlandi).

Það virðist ljóst hver ábyrgð Íslendinga er, hún er sú sem felst í þessum kröfum á íslenska tryggingarsjóðinn. Þó hann sé tómur þá mun íslenska ríkið væntanlega styrkja hann þannig að hann standi undir lögbundnum skuldbindingum sínum. 

Reyndu bara að lögsækja okkur Gordon Brown!
Just sue us Gordon Brown! 

Íslenska ríkið er ekki skuldbundið til að vernda innistæður í bönkum nema að ákveðnum hluta, það er tryggt með lögum bæði íslenskum lögum og lögum sem við undirgöngumst vegna evrópska efnahagssvæðisins. Íslendingar hafa hvorki bolmagn né vilja til að borga allt sem íslenskir bankar skulda hvar sem er í heiminum. Forsætisráðherra Bretlands notar hins vegar tækifærið til að sparka í fjölmiðlum í þjóð sem hefur þegar fengið gífurlegt bylmingshögg og liggur vel við höggi.

 Geir Haarde svaraði ruddaskap breska forsætisráðherrans  með mikilli kurteisi, sjá þetta viðtal við Geir á BBC:

Iceland's PM on Icesave accounts

Það  er frábært á þessum vondu tímum að forsætisráðherra er hagfræðimenntaður. Það voru góðar útskýringar á málum hjá bæði viðskiptaráðherra og forsætisráðherra á blaðamannafundinum í dag. Þeir útskýrðu vel þetta Icesave mál og þetta er algjörlega í samræmi við þá stefnu sem Íslendingar tóku í þrengingum dagsins og sú stefna sem var tekin er sú áhættuminnsta og sú eina mögulega leið sem Íslendingar gátu farið. 

Meira um málið

 Icesave savers warned on accounts

Eignir standi undir Icesave

Noregur og Rússland - hver kemur til hjálpar?

Ekkert kemur ennþá fram um hvort við munum fá lán frá Rússlandi annað en samningafundur verði á þriðjudaginn kemur.  Rússland og Noregur eru þau ríki sem gætu veitt Íslandi lán núna. Þetta eru olíuríki með stóra sjóði. En ástandið hjá þessum ríkjum á heimaslóð er mjög eldfimt. Það er ekki trygging fyrir að sleppa við fárviðrið að vera rík og voldug olíuþjóð.

Verðbréfamarkaðurinn í Rússlandi er í miklu uppnámi og falli, ég held að hann sé lokaður núna vegna ástandsins og dagurinn í dag var skrýtinn á verðbréfamarkaðnum í Noregi, þar urðu miklar sveiflur í dag.

 

Geir ræddi við alla norrænu forsætisráðherrana

Ekki bara harmleikur Íslands, það er heimskreppa og hún á eftir að dýpka

Bubbi var fínn að eyða ekki púðrinu núna í að finna sökudólga, það er ekki rétti tíminn til þess. Bubbi hefur alveg jafnmikið vit á peningamálum og margir þeir sem nú tala í fjölmiðlum. Hann er líka einn af þeim sem finnur mjög fyrir þessu sjálfur, hann hefur verið að byggja hús og þurft að taka lán.

Hins vegar er það mjög einföld greining hjá honum að það sé íslenska krónan sem sé það versta. 

Það á eftir að koma í ljós hvort svo sé. Við skulum sjá hvort það gengur betur hjá evruþjóðunum núna. En þessi heimskreppa sem því miður virðist rétt að byrja er vissulega peningakreppa. hún skellur með mestu afli og harðast á íslendingum fyrst vegna aðstæðna okkar. Það getur verið að við eigum eftir að finna meira fyrir henni síðar, það getur verið að verð á áli lækki og erfitt ef ekki ógjörlegt sé fyrir stórfyrirtæki að fá framkvæmdafé til að reisa verksmiðjur eða orkuver. En það er líklegt að margt breytist til hins betra strax varðandi gjaldeyrismálin t.d. munum við örugglega strax draga úr neyslu á influttum varningi og utanlandsferðum.  Það er því miður líklegt að almenningur í fleiri Evrópulöndum eigi eftir að finna verulega fyrir kreppunni og það kemur sér afar illa, sérstaklega á svæðum þar sem atvinnuleysi er þegar mjög mikið. Það getur verið að það komi sér einhvern tíma vel fyrir Íslendinga að hafa tekið á móti þessu bylmingshöggi allir í einu, það getur verið að við náum þannig að dreifa álaginu og bregðast snöggt og samstillt við.

Það getur verið að það verði miklu erfiðara hjá öðrum ríkjum í Evrópu á næstunni. 

Alþjóðagjaldeyrissjóðurinn hefur gefið út skýrslu um ástandið. Hún verður væntanlega til umræðu á aðalfundi alþjóðabankans sem hefst eftir einhverja daga.

Harmleikur allrar þjóðarinnar

Þórðargleði hjá gulu pressunni í Danmörku

Ég hugsa að fáir Íslendingar hafi núna húmor fyrir því að gert sé gys að þrengingum okkar. Flestar fjölskyldur á íslandi hafa núna misst margar milljónir, peninga sem við áttum með beinum eða óbeinum hætti í bönkum í gegnum lífeyrissparnað, ýmsa sjóði og hlutabréf. Auk þess hafa eignir okkar og kaup lækkað um tugi prósenta en verðtryggðar eða gengistryggðar skuldir munu hækka gríðarlega. Ofan á þetta bætist að ástandið stöðvar hljól atvinnulífsins og margir eru við eða munu missa vinnu sína.  Í svona ástandi þurfum við ekkert á því að halda að danskir fjölmiðlar skemmti sér og hefni harma sinna á okkar kosnað. Þórðargleðin hjá Ekstrabladet í Danmörku á rætur sínar að rekja til þess að einmitt það blað birti á sínum tíma margar greinar um meinta spillingu í uppkaupum íslenskra fyrirtækja á dönskum verslunarkeðjum og fór Kaupþing í mál og varð blaðið að borga skaðabætur.  

Greinin er í dönskum gálgahúmorstíl:

Ekstra Bladet er vild med Björk, gejsere, varme kilder, heste i små størrelser og alt andet, der bare lugter en smule af vulkanø.

Derfor drog vi i går ud på en mission. Islands økonomi skulle reddes, og der blev derfor lynhurtigt arrangeret en indsamling til fordel for vore venner mod nord, som er hårdt ramt af den økonomiske krise.

Ekstra Bladet tog opstilling foran Magasin i København – et af symbolerne på det islandske finanseventyr, der nu er ved at blive et mareridt.

Gavmild islænding
Udstyret med indsamlingsbøsser og islandske sweatere, der kradser hårdere end nogen finanskrise, var vi klar til at brage igennem med det klare budskab: ’Giv en skærv, før Island bliver en saga blot’.

Viljen til at hjælpe ø-folket var dog langtfra entydig. Mens nogle danskere kategorisk nægtede at donere så meget som en udgået 25-øre, var andre hurtige til at dykke i pottemånen efter mønter.

Ud over en aggressiv Magasin-vagt blev Ekstra Bladets udsendte modtaget med smil og desuden en flot rekorddonation på hele 100 danske solide kroner. Giveren var dog selv islænding.

Efter en lille times indsamling vælger Ekstra Bladet at vende næsen mod den islandske ambassade for at aflevere indholdet af indsamlingsbøsserne til ambassadøren.

Desværre befinder topdiplomaten sig i New York og kan derfor ikke tage imod pengene, men vi er selvfølgelig velkommen til at komme forbi alligevel med den økonomiske indsprøjtning til vore nordiske brødre, lyder det fra en medarbejder over telefonen.

Ekstra Bladets reportere når lige akkurat frem, før ambassaden lukker. Her bliver vi modtaget af ambassadørens sekretær, Kristin Bonde. Hun smiler varmt til de to langskæggede journalister, som var vi et par af hendes landsmænd.

Ryger i statskassen
Kristin Bonde finder fluks en saks frem, så indsamlingsbøsserne kan blive klippet op. Mens pengene koncentreret bliver talt op, er spændingen nogenlunde lige så intens, som når Island møder Malta i fodbold.

320 kroner bliver udbyttet, og Kristin Bonde er lykkelig.

– Vi er meget glade for den indsats, I har ydet. Det er måske ikke helt nok til at redde den islandske økonomi, men det er tanken, der tæller, siger hun og forsikrer, at pengene ryger direkte i statskassen.

jáhá, það er svo sannarlega rétt að " det er tanken, der tæller" og hugsunin á bak við þetta hjá Ekstrabladet er að velta sér upp úr óförum andstæðinga sinna og gera gys að þrengingum íslenskra borgara.

Hér er gamalt blogg um hvernig rætt var um íslensku útrásina í Bretlandi og Danmörku fyrir tveimur árum:

Víkindainnrásin og West Ham

 

Söfnun fyrir Ísland