Vídeoblogg - Síðasta vika

Ég hef ekki verið nógu dugleg að taka upp á netmyndavélina. Ég ætla núna að reyna að taka upp stutt vídeóblogg helst einu sinni í viku. Hér er síðasta víka

 

Mamma fór til Íslands

bennet - Mum's Gon...

Hosted by eSnips

Datt niður á þetta skemmtilega 20 ára gamla lag um neyslusamfélagið og mömmuna sem fór til Íslands. Þetta er hljómsveitin Bennet. Textinn er svona:

Mum's Gone To Iceland

More food mama
Give us more food mama
Give us prawn ring mama
Give us anything mama
Thank God
My Mum has gone to Iceland
More cash dadda
Give her more cash dadda
Be a bit flash dadda
Give here more cash, more
Thank God
My Mum has gone to Iceland
And we don't have the dough
As the ad men well know
Got no concept of your bad cash flow
And if that ain't enough
Just as life gets more tough
They bring out a new game for my Nintendo
My head's popping
TV window shopping
And there ain't no stopping
With that ice cream topping
Thank God
My Mum has gone to Iceland
We want mama
What you can't afford mama
And the TV pressure's
Aimed at your little treasures
Thank God
My mum has gone to Iceland
Bleedy daddy dry
Watch my mummy cry
And I can't stop wanting
No matter how I try
Thank God
My mum has gone to Iceland

Gæsluvarðhald yfir meintum nauðgurum

Ég er hugsi yfir eftirfarandi pistli sem mun hafa verið póstaður á bloggi lögfræðings sem var málsvari mannsins sem var ákærður fyrir nauðgun á kvennaklósetti Hótel Sögu. Það blogg er ekki lengur aðgengilegt en ég tek hérna upp smábrot úr því vegna þess að beint er spurningu til okkar á Moggablogginu, spurningu sem ég ætla að svara fyrir mitt leyti.

Ákærði hefur nú verið sýknaður af ákæru. Samt hefur hann mátt dúsa í fangelsi í 4 mánuði, þar af drjúgan tíma í einangrun, þar sem fangar hafa veist að honum, þar sem hann hefur verið á barmi þess að stytta sér aldur og hefur veitt sjálfum sér áverka. Sérfræðingur sem vann með hann taldi að þetta mætti hugsanlega rekja til þess að hann væri í fangelsi hafður fyrir rangri sök. Hefur ákærði verið í miklum sálarháska.

Finnst fólki í lagi að svipta einstakling frelsi í 4 mánuði án þess að dómur gangi í máli? Er þetta réttlætið sem bloggverjar vilja? Ef þið bloggverjar á moggablogginu hefðuð verið verið uppi í Ameríku á tímum villta vestursins hefðuð þið verið í þeim hópi sem alltaf var til í að hengja menn án dóms og laga. (úr pistli sem var á blogginu sveinnandri.blog.is)

Mér finnst mjög undarlegt að maður skuli þurfa að vera í einangrun í fangelsi í 4 mánuði án þess að réttað sé í máli hans. Ég er ekki lögfræðingur og ég hélt að það væru ákveðnar strangar reglur um hvenær má beita gæsluvarðhaldsvist og sakborningar geti alltaf kært úrskurð um gæsluvarðhald. Ég hélt t.d. að ef það að viðkomandi sé ekki líklegur til að spilla gögnum í málinu eða sé ekki talinn hættulegur þá sé ekki ástæða til að hafa viðkomandi í gæsluvarðhaldi.

Ég vil benda á hliðstæðu í öðru máli þar sem þrír unglingspiltar voru ákærðir fyrir að nauðga saman stúlku. Í því tilviki þá voru piltarnir settir í gæsluvarðhald í einangrun einhvern tíma (einn dag?) þrátt fyrir að þeir væru börn. Það var mjög undarlega staðið að því og það er mikilvægt að við séum á varðbergi fyrir þegar börn og útlendingar eru handtekin og hneppt  í fangelsi, þetta eru hópar sem standa höllum fæti gagnvart réttarkerfinu og þurfa sérstaka málsvara. 

Meðferð á sakborningi  breytir hins vegar ekki því hversu sekur mér finnst umræddur maður vera. Ég efast ekki um að það sé satt sem þú segir um sálarástand mannsins fremur en ég efast um að það sé satt sem sálfræðingar og starfsfólk neyðarmótttöku vegna nauðgana segja um sálarástand stúlku sem var nauðgað á klósetti í Hótel Sögu af ókunnum manni sem elti hana inn á kvennaklósett, læsti hana þar inni  með sér og notfærði sér ölvunarástand og úrræðaleysi hennar til að svala kynfýsnum sínum á líkama hennar. 

Mér finnst maðurinn vera sekur um gróft kynbundið ofbeldi og mér finnst dómurinn einkennilegur að því leyti að maðurinn er sýknaður af því að hafa beitt ofbeldi m.a. vegna þess að hann hafi ekki vitað að stúlkan vildi ekki láta hann nauðga sér.  Ástand stúlkunnar (ölvunarástand), vettvangurinn (kvennaklósett), viðkynning (ókunnur maður sem elti ölvaða stúlku inn á klósett) og margvísleg gögn og frásögn vitna (áverkar, öryggismyndavélaupptökur, frásögn vitna) styðja allt við að þetta var nauðgun og misþyrming á hjálparlausri manneskju. Þetta hefði manninum átt að vera ljóst.

 

Drukkin stúlka fer á klósettið

Það er ekki í frásögur færandi að fólk sem situr að drykkju á vínveitingastöðum í Reykjavík fari á klósettið. Á veitingahúsinu Hótel Saga er klósettið niðri í kjallara og þarf að fara tröppur til að komast inn á það. Það er nú reyndar alþekkt á veitingastöðum að klósettin eru í kjallaranum og á fínum stöðum eins svona lúxus hóteli er náttúrulega allt mjög smart og fyllsta öryggis gætt. Það eru öryggismyndavélar sem mynda fólkið þegar það fer niður stigann. Þegar drukkin stúlka spurði hvar klósettið var og var sagt það og fór niður stigann inn á klósettið þá fylgdi henni eftir maður sem hún þekkti ekki og hafði aldrei séð áður. Það sést á öryggismyndavélum.  Það var önnur kona fyrir á kvennaklósettinu og hún varnaði þessum manni inngöngu á kvennaklósettið en hann mun hafa komið inn þegar sú kona var farin upp og nauðgar þá drukknu stúlkunni sem er stjörf af hræðslu og getur ekki spornað við verknaðinum sökum ölvunar.

Hér má lesa  dóm héraðsdóms Reykjavíkur í þessu máli. 

Það er mjög einkennilegt að það sé ekki ofbeldi af hendi karlmanna að læðast á eftir drukknum konum inn á kvennaklósett, læsa þær þar inni og rúnka sér á líkama þeirra og nauðga þeim. í þessu tilviki eru vitni, það eru upptökur úr eftirlitsmyndavélum og það eru áverkar á líkama stúlkunnar sem leitaði til neyðarmóttöku vegna nauðgunnar. 

Það er mjög einkennilegt að héraðsdómur skuli sýkna manninn á þeirri forsendu að honum hafi ekki verið ljóst að konan vildi ekki hafa samræði við hann.

Sumt er stórfurðulegt í þessu máli og maður hefur á tilfinningunni þegar maður les dóminn að það skipti einhverju máli að maðurinn sem nauðgaði konunni á klósettinu eru pólskur, það hafi verið tekið á málinu  með einhverjum silkihönskum út af því og mikið lagt upp úr því að manninum hafi ekki verið ljóst að hann var að nauðga stúlkunni. Mikið er gert úr tungumálaörðugleikum. En við dómarana og aðra vil ég segja að það gildir það sama á Póllandi og á Íslandi, það er alls, alls ekki í lagi að fara á eftir drukkinni stúlku inn á klósett, læsa hana þar inni og nauðga henni. Fólk í þeim aðstæðum sem stúlkan var í er mjög varnarlaust. En það er áhugavert að sjá hvað fólki finnst mikilvægt að komi fram í dómnum eins og t.d. þessi orð sem höfð eru eftir móður pólska mannsins þar sem hún er að verja son sinn með því að segja að hann hafi ekki verið æstur eins og maður sem sé nýbúinn að nauðga stúlku heldur sé maður sem líti niður á íslenskar stúlkur. Vitnisburður móðurinnar um að  að manninum þyki íslenskar stúlkur heimskar virðist notaður til að sýna fram á að maðurinn hafi talið að ókunn dauðadrukkin íslensk stúlka vilja þýðast hann og hafa við hann mök ef hann króaði hana af inn á  klósettklefa á kvennaklósetti.

Svona er þetta í dómnum:

Þegar hún sótti hann þangað hafi hann virst eðlilegur í útliti og fari.  Hafi hann sagt að hann hefði viljað koma heim af því að hann nennti ekki að skemmta sér lengur.  Hafi hann sagt að eldri bróðir hans hefði rétt fyrir sér í því að íslenskar stelpur væru heimskar.  Hefði hann þurft að slást út af einni þeirra.

Verður því ekki séð að ákærði hafi, fram til þess að þau fóru inn í salernisklefann, haft ástæðu til að halda að hún væri honum andhverf. 

Svo eru þessi orð í dómnum alveg nægileg til að láta alla femínista froðufella af reiði:

Ef byggt er á frásögn X af því sem gerðist eftir orðaskipti þeirra inni á snyrtingunni lítur dómurinn svo á, að það að ákærði ýtti X inn í klefann, læsti klefanum innan frá, dró niður um hana, ýtti henni niður á salernið og síðan niður á gólf, geti, hlutrænt séð, ekki talist ofbeldi í skilningi 1. mgr. 194. gr. almennra hegningarlaga, eins og það hugtak hefur verið skýrt í refsirétti og í langri dómaframkvæmd.  Nægir þetta eitt til þess að ákærði verði sýknaður af ákærunni.

Í því sambandi ber sérstaklega að hafa í huga að hún reyndi ekki að kalla á hjálp þegar hún heyrði að einhver kom inn á snyrtinguna.  Þá er að einnig að líta til þess að X þykir, fram til þess að þau fóru inn á salernisklefann, ekki hafa gefið ákærða ástæðu til að halda það að hún væri honum andhverf.   Þegar allt þetta er haft í huga álítur dómurinn að ákærða hafi ekki hlotið að vera það ljóst að samræðið og kynferðismökin væru að óvilja X. 

 Ég vona að stúlkan kæri þetta mál til Hæsta réttar.

Baldur R. skrifaði  þetta í athugasemd við  blogg.

Í niðurstöðu dómsins  er vitnað í 194. gr. hegningarlaga:

"[Hver sem hefur samræði eða önnur kynferðismök við mann með því að beita ofbeldi, hótunum eða annars konar ólögmætri nauðung gerist sekur um nauðgun og skal sæta fangelsi ekki skemur en 1 ár og allt að 16 árum. Til ofbeldis telst svipting sjálfræðis með innilokun, lyfjum eða öðrum sambærilegum hætti." (Leturbreyting mín).

Samt "...lítur dómurinn svo á, að það að ákærði ýtti X inn í klefann, læsti klefanum innan frá, dró niður um hana, ýtti henni niður á salernið og síðan niður á gólf, geti, hlutrænt séð, ekki talist ofbeldi í skilningi 1. mgr. 194. gr. almennra hegningarlaga, eins og það hugtak hefur verið skýrt í refsirétti og í langri dómaframkvæmd." (Leturbreyting mín).

 Fyrir utan að ýta stúlkunni inn klefa og læsa honum innan frá þá get ég ekki skilið hvers vegna það hafði ekki áhrif hvert ástand stúlkunnar var og á hvaða stað verknaðurinn átti sér stað. Ég hélt að það væru sérstök ákvæði í lögum að ekki mætti notfæra sér eymd annarra (í þessu tilviki að stúlkan var dauðadrukkin) og svo var maðurinn klárlega að ryðjast inn á svæði þ.e. kvennaklósett þar sem konur eiga að vera óhultar fyrir nauðgurum (reyndar eru einmitt kvennaklósett vettvangur margra nauðgunarsena í bíómyndum) vegna þess að karlmenn eiga ekki að hafa þar aðgang.

Sýknaður af ákæru fyrir nauðgun

Ofbeldi í fangelsum

Fangi  var fótbrotinn af hópi samfanga. Það er eitthvað að  eftirlitskerfi á Litla Hrauni ef svona getur gerst í fangelsinu. Það væri fróðlegt að vita hvað öryggisvarsla í fangelsinu kostar per fanga á dag og í hverju þessi öryggisvarsla er fólgin. Mér sýnist þörf á að fara ofan í það. Mikið af þeim fréttum og þeirri umræðu sem er í fjölmiðlum um hvað er að gerast í fangelsum á Íslandi er einhvers konar lobbyismi fyrir fangaverði og fangelsisyfirvöld. Það er mikið í húfi fyrir alla að þeir sem vistaðir eru í fangelsum í langan tíma fyrir alvarleg brot komi ekki stórlaskaðir og vitskertir  og miklu verri þar út. Það er mikilvægt að hlú að mönnum sem eru í fangelsi og gera þeim lífið sem bærilegast og gefa þeim kost á að bæta ráð sitt og t.d. takast á við fíkniefnavanda og sérstaklega gera þeim kleift að vera í sambandi við fjölskyldu sína, eftir því sem ég hef lesið þá eru þeir sem ná að byggja sig upp og fá til þess stuðning aðstandenda líklegastir til að halda sér á breiðu brautinni þegar þeir losna.

Það getur verið að fanginn sem var fótbrotinn hafi  framið alvarleg og viðurstyggileg afbrot. Það er þekkt að nauðgarar og kynferðisglæpamenn sæta illri meðferð í fangelsum af samföngum. Það er hins vegar þannig að allir eiga rétt á því að sæta ekki ofbeldi og pyntingum. Líka þeir sem sjálfir hafa beitt aðra ofbeldi. 

Fótbrutu samfanga á Litla-Hrauni

Vefur 2

VideoJug: Stephen Fry: Web 2.0

Ennþá eitt myndbandið um vefumhverfið

Krakkamalt, krakk, dóp og drykkjustemming á Netinu

Við föla fólkið leitum í skuggann og  höngum á Netinu þó að sólin skíni úti. Ég er núna að prófa ýmislegt sem ég hef ekki haft tíma til í vetur m.a. ýmsa möguleika í miðlun á hljóði og vídeó á Netinu og fylgjast með hvernig netsamfélög þróast. Ég prófa ýmsar ókeypis netþjónustur eins og útsendingar á Operator11 og  myndblöndun og klippingu á vídeói á photobucket - hvort tveggja spennandi vísbendingar um í hvaða átt netheimur mun þróast. En þó ég reyni að forðast alla vefi með vafasamt inntak og sé eingöngu að prófa mig áfram með nýja tækni þá svamla ég í efni sem er stútfullt af áfengisauglýsingum og áróðri fyrir ýmis konar fíkniefnum og vímuefnum. Í gærkvöldi  var ég að fylgjast með útsendingu á  netinu og þau sem sendu þá útsendingu út virtust vera í vímu og tal þeirra gekk  m.a. út á að upphefja kókaínneyslu. Núna áðan var ég að hlaða inn myndum á photobucket, það er mynda- og myndskeiðabanki á Netinu sem margir unglingar nota, ekki síst til að geyma myndefni sem birtist á facebook og myspace. Það er Adobe fyrirtækið sem á photobucket.

Þetta er ókeypis vefþjónusta og löðrandi í auglýsingum eins og Myspace. Mér brá hins vegar að sjá að það eru engar takmarkanir á hvað er auglýst og það er greinilegt að markmiðið er að leiða ungmenni út í drykkju með því að auglýsa drykki eins og Smirnoff Ice.

Hér er skjámynd af auglýsingunum sem  birtust hjá mér rétt áðan:

 

Nú segir einhver að það sé allt í lagi að þekkt vörumerki eimaðra drykkja eins og Smirnoff séu að auglýsa svona, Smirnoff Ice sé svona alcopop drykkur svona eins konar maltöl fyrir unglinga. En það er bara ekki þannig, hér er brot úr grein sem lýsir hættunni við alcopops:

Alcopops are a commonly overlooked threat to keeping teens, especially girls, sober. Drinks like Smirnoff Ice, Mikes Hard Lemonade, and Sparks are made and marketed to get young teens started drinking. Because they taste similar to soda, deliberately masking the taste of alcohol from the taste buds, they go down easily. Young teens unaccustomed to the taste of beer and alcohol can get started without even thinking about it. Just as threatening, because they do not taste the alcohol many inexperienced drinkers often do not realize the alcohol’s effects until they are too tipsy to make clear decisions.   Alcopops that include large amounts of caffeine, like Sparks, are especially risky—not only because the caffeine gets the alcohol into their blood stream even quicker, but also because the combination of the two makes for a hyperactive drunk who is even more likely to keep up the energy for reckless acts.

Parents should not need the plethora of pointed studies to see what the alcohol companies are up to. The advertisements feature attractive young women getting what they want socially, and are aired during TV programs counting on a teen audience. These companies know that if they can get girls to drink at an earlier age the guys will not hesitate to get alcohol for them. Even more appalling, if young teens can get alcopops, they can get cheap strong liquor. It doesn’t take long to move from the gateway drinks to the hard stuff. Just mix it with soda and it is like an Alcopop, but three times as strong.

 

 hér er líka brot úr fréttabréfi hjá renzcenter.com sem berst fyrir að litið verði á alcopops eins og eimaða drykki og barist verði gegn þessari markaðssetningu hættulegra vímuefna til unglinga.

 

Hér á Íslandi virðist vera algjört andvaraleysi við þessari þróun  og  þessari óhemjuöflugu markaðssetningu á áfengi til unglinga bæði á sjónvarpsstöðvum  og  á ýmsum vinsælustu vefsvæðum landsins, þar af mörgum vefsvæðum sem börn sækja. Hér er dæmi um hvernig forsíðan á vefnum pose.is er í dag 3. júlí, allt löðrandi í áfengisauglýsingum fyrir krakka. Þess má geta að sömu aðilar virðast standa að krakkavefnum leikjaland.is og pose.is og virðast auglýsingar svipaðar þó ekki séu svæsnar áfengisauglýsingar á leikjalandi heldur frekar vísað í pose.is og 69.is

Kannski ætti að kalla alcopops drykki krakkamalt.

Salvör Sól skírð - vídeó

Hér er myndskeið frá skírninni á jónsmessu í stofunni á Hanhóli í Syðridal við Bolungarvík.

Salvör Sól gefur að ég held ekkert mikið fyrir veislur. Hún var fyrir sunnan í síðustu viku og ég passaði hana meðan mamma hennar var á fundi. Daginn eftir skírnina þá kom hjúkrunarkonan heim á Hanhól til að vigta og mæla og fylgjast með hvernig Salvör Sól dafnar. Hún spurði þá litlu hvernig henni fannst í skírnarveislunni og Salvör Sól svaraði því á sinn hátt. Ég tók myndskeið af því samtali, það er hérna:

Ég setti lengra vídeó (3 mín.) af skírninni inn á Youtube. Ég tók þessi vídeóklipp á litlu stafrænu myndavélina mína en Arnar tók upp skírnina á vídeóvél en mér tókst ekki að koma því inn á tölvuna mína því ég er ekki með firewire tengi.  Skírnin var hátíðleg stund og til gamans má geta þess að það voru í skírninni á Hanhóli fólk af mörgum trúarbrögðum, það var fjölskylda sem er ásatrúar og það var fjölskylda sem er kaþólsk.

Lýðheilsa og áfengisstefna

Það er skylda stjórnvalda að tryggja stöðugleika í samfélaginu, jafna lífskjör og gera lífsskilyrði þegn anna sem best með því að passa að þeir skemmi ekki og steli eigum hverra annarra og eitri ekki hver fyrir öðrum með mengandi og hættulegum efnum eða iðju. Það þarf líka stundum að hafa vit fyrir fólki svo það fari sér ekki að voða út af stundargróða og hugi ekki af afleiðingum. það er oft aðstöðumunur í samningum manna, sumir sem leita að vinnu myndu láta bjóða sér hvað sem er vegna þess að þeir hafa ekki val og hafa ekki réttar upplýsingar um afleiðingar af heilsuspillandi og hættulega iðju. Þess vegna eru settar öryggisreglur um vinnuvernd og aðstæður á vinnustöðum og þess vegna eru settar reglur um hegðun í umferðinni svo sem að skylda fólk til að vera í bílbeltum og hafa kveikt á bílljósum. 

Það er því miður þannig að viðfangsefni og áherslur stjórnvalda eru ekki alltaf í takti við það sem er brýnast og þar sem þörfin á endurbótum er mest. Það er blindu auga snúið að eiturlyfja og vímuefnaneyslu ungmenna í íslensku samfélagi í dag og reyndar verður ekki séð annað en slík neysla og tilheyrandi lífsstíll sé afar þóknanlegur stjórnmálamönnum, sérstaklega þeim sem eru á hægri væng stjórnmálanna. Það eru meira segja núna á þingi Íslendinga ungir þingmenn sem hafa það sem sitt helsta og sennilega eina baráttumál að gera aðgengi að áfengi betra. 

Myndin hér fyrir ofan sýnir skemmtun á karlakvöldi íslenskum framhaldsskóla. Aðalskemmtiatriðið virðist hafa verið einhvers konar keppni í að fylla sig af bjór.

Það getur ekki farið fram hjá neinum sem fylgist með íslensku samfélagi að hér er áfengisneysla og hvers konar vímuefnaneysla mjög upphafin.  Áfengum drykkjum er haldið að ungmennum og virðist vera hömlulaust hvernig framleiðendur og eigendur vörumerkja mega halda vöru sinni að unglingum. Ein sjónvarpsrás sem höfðar til unglinga birtir í sífellu áfengisauglýsingar og á hinum ýmsu netsvæðum sem virðast gera út á unglinga á menntaskólaaldri þá er mikið gert af því að auglýsa áfenga drykki og mikið um að myndir af krökkum séu skreyttar með áfengisauglýsingum. Ferðamálayfirvöldum og þeim sem auglýsa upp ímynd Íslands virðist ekki finnast neitt að því að auglýsa "íslenskt" vodka.

Ég hef skrifað nokkra pistla á blogg um þetta mál, sjá t.d. þessa:

• Vodkasala Íslands
• Ferðamálayfirvöld á glapstigum
• Klámleikjalandið Ísland og klámtán Reykjavík
• Áfengisauglýsingar sem beint er til unglinga
• Cult Shaker kúltúr á Íslandi 

Hér eru tenglar á þessi viðtöl við mig: 

• Áfengisauglýsingar á netsíðum unglinga 
  Hádegisviðtalið á Stöð 2 (Salvör Gissurardóttir) 

Það er núna vakning hjá fólki varðandi mengun og heilbrigðan lífsstíl. En þessi vakning nær ekki ennþá til þeirra efna sem eru hvað mestu mengunarvaldarnir og verstu eiturefnin í samfélagi okkar.  Sennilega veldur áfengi meiri skaða í samfélagi okkar en nokkuð annað eiturefni og fleiri heilsuvandamál, ofbeldisverk, voðaverk og slys má  rekja til þannig neyslu en t.d. til mengunar af völdum stóriðju.  Það birtist nýlega greinin  Áfengisstefna á Íslandi í læknablaðinu og í sama blaði er greinin Þáttur áfengis í komum unglinga á slysa- og bráðadeild Landspítala 

það er mikill munur gerður á löglegum og ólöglegum vímuefnum í hvernig stjórnvöld meðhöndla neytendur. Fangelsin á Íslandi eru full af fíklum og burðardýrum eiturlyfjasala en þau eru líka full af mönnum sem hafa framið voðaverk í ölæði. 

Hver bloggar fyrir þig?

Það er fleira sem skilur á milli þess að vera ráðherra og vera ekki ráðherra en að fá bíl með bílstjóra. Ráðherrar og háttsettir menn í stjórnkerfinu og viðskiptalífinu losna nefnilega oft við að skrifa sínar ræður og greinar sjálfir, þeir hafa fólk í þessu fyrir sig. Alla vega til að semja ræðupunkta og afla bakgrunnsupplýsinga. Enda eins gott, þeir þurfa að vera á þönum að setja alls konar samkomur.

Ég man einu sinni eftir skemtilegu tilviki þar sem einn ráðherra átti að byrja að ávarpa samkomu. Ráðherrann var seinn fyrir og greinilega ætlaði svo að hespa þetta af þegar hann kom og talaði blaðalaust - tja... og að mér fannst svolítið út í loftið. Hann sagði nokkra brandara frá þorrablóti austur á landi og af sveitungum þar. Ræðan tengdist ekkert tilefni samkomunnar svo ég hafði nú á tilfinningunni að ráðherrann hefði týnt eða ekki haft tíma til að lesa minnispunktana og bara treyst á sinn ræðusjarma að bjarga sér út úr aðstæðum. Næstur kom aðstoðarmaður ráðherrans í ræðustól og hann var nú ennþá skemmtilegri og staðfesti grun minn. Hann byrjaði á að veifa blaði með ræðu sem hann hefði samið fyrir ráðherrann og sem hann var soldið sár yfir að ráðherrann hefði ekki flutt því þar hefði komið fram fullt af tölfræðiupplýsingum sem tengdust efninu. Ég var nú bara fegin að losna við upptalningu á talnarunum.

Núna er það þannig að flestir ráðherrar vilja fylgjast með nútímanum og ná til allra kynslóða, líka þessarar sem hangir á myspace og bloggum. Sennilega mun það skipta máli í framtíðinni - og þá á ég við í næstu kosningum - hvort þú hefur verið áberandi á Netinu og hvort þú upplýsir almenning um hvað þú ert að gera í stjórnmálum og hver viðhorf þín eru og hvort þú sért í góðu sambandi við kjósendur á Netinu.  Fyrir síðustu kosningar voru mjög margir stjórnmálamenn sem töldu sig þurfa að stofna blogg og sumir blogguðu eitthvað rétt fyrir kosningar en hættu  eftir það. Sumir stjórnmálamenn sem hafa notið lýðhylli og vinsælda og koma vel út í sjónvarpi ná ekki til mín á bloggi, oftast er það vegna þess að mér finnst koma í ljós hvað þeir eru grunnir og yfirborðslegir og hafa engu að miðla og ekkert að segja frá.  

Blogg og netsamfélög eru öðruvísi miðlar en sjónvarp og ræðupúlt og ég hugsa að þeir sem eru stjörnur í sjónvarpi  því þeir geisla af skjáþokka eða geta talað undir borðið alla á bændafundum og fengið salinn til að veltast af hlátri séu ekki endilega að meika það á bloggi.  Ég held að  sjónvarp sé miklu yfirborðslegri miðill en  blogg og þú getir auðveldar slegið ryki í augum á fólki og eitthvað sem þú segir á einni mínútu geti gert útslagið. Það er möguleiki á miklu meiri íhugun á bloggi og það er möguleiki á öðruvísi samskiptum.

Ég held að það sé sjálfgefið að núna þegar tilvera á Netinu er orðinn þáttur í stjórnmálabaráttu þá sé aðstoðarmönnum ráðherra fengið það hlutverk að aðstoða líka við að skrifa bloggið þeirra og sjá um og fylgjast með og hugsanlega taka þátt í netumræðu sem tengjast ráðherranum. Sumir stjórnmálamenn eins og Björn Bjarnason eru þó svo ritfærir og góðir í netumræðu að þeir skrifa sjálfir allt sem þeir birta á Netinu. Það mun eflaust skipta máli fyrir stjórnmálamenn framtíðarinnar að þeir hafi orðspor í Netheimum og netumræðu en láti ekki eins og það séu álfheimar sem koma þeim ekki við og eru þeim ósýnilegir. Sennilega mun á næstu misserum meira tal og útsendingar og netfundir skipta máli í bloggi, það verður ekki eingöngu orðræða gegnum ritað mál.

það mun eflaust koma að því að mektarmenn í íslensku samfélagi hafi fólk fyrir sig í að skrifa hugsanir þess og orð og teikna upp ímynd þeirra. Það er skemmtileg grein á BBC núna Are my online friends for real? sem lýsir þessari þróun.  Sumir hafa ef til vill þegar atvinnu sína af því að skrifa blogg og halda úti Myspace síðu undir nafni einhvers annars. 

Núna hefur moggabloggið tekið við af málefnavefnum og við erum margir málverjarnir að tjá okkur hérna. Ég og StebbiFr vorum að ég best man þau einu sem voru undir eigin nafni þar. Þetta minnir mig á að þegar ég byrjaði að tjá mig á málefnunum þá heyrði ég oftar en einu sinni þá samsæriskenningu um það sem ég skrifaði að það væri bróðir minn sem væri að skrifa undir mínu nafni.