Ciudad Juarez borg í álögum

Ciudad Juarez er landamæraborg við ána Rio Grande. Hún er í Mexíkó en hinum megin við ána er El Paso í Texas í Bandaríkjunum.  Frá fátækrahverfum Ciudad Juarez má sjá yfir hæðirnar í El Paso en þar lýsir upp hlíðarnar risastór stjarna. Ég hef komið til borgarinnar og ég lýsi hughrifum mínum  í blogginu Hvíta gullið í Mexíkó

Ciudad Juarez er leikvangur raðmorðingja og glæpamanna. Þar eru fleiri konur myrtar en á stríðhráðum svæðum. Samt er ekki opinbert stríð þar og tölurnar um morðin eru ekki á hreinu. Grunur er um að kvennamorðin í borginn séu einhvers konar innvígluathafnir glæpagengja. En Cudad Juarez er borg í álögum og ástandð er sérlega slæmt núna því efnahagur USA er í frjálsu falli og margir ólöglegir innflytjendur hafa snúð aftur til Mexíkó þar sem þeir hafa ekki að neinu að hverfa.

Við lifum í þeirri blekkingu að ofbeldi og hætta á að deyja í átökum sé mest á svæðum þar sem við vitum að stórveldin heyja stríð. En það voru framin 58 morð í Mexíkó daginn áður en Obama var kjörinn forseti og eitt morðið var maður í Cuidad Juares sem var höfuðlaus skilinn eftir á umferðareyju og enginn þorði að fjarlægja líkið fyrr en myrkrið skall á. Sjá þessa frásögn: 

On Nov. 3, the day before Americans elected Barack Obama president, drug cartel henchmen murdered 58 people in Mexico. It was the highest number killed in one day since President Felipe Calderon took office in December 2006. By comparison, on average 26 people — Americans and Iraqis combined — died daily in Iraq in 2008. Mexico’s casualty list on Nov. 3 included a man beheaded in Ciudad Juarez whose bloody corpse was suspended along an overpass for hours. No one had the courage to remove the body until dark.  David Danelo: Mexico’s bloody drug war

Ástandið í Ciudad Juarez er svartur blettur á samvisku heimsins og ástandið er partur af þeirri spennu sem hefur byggst upp í heiminum og hugsanlega eru það staðir eins og Ciudad Juarez sem finna fyrst fyrir því ástandi sem nú er að magnast upp í heimskreppunni.

Núna er er Ciudad Juarez í fréttum vegna hótana um barnsrán. Talið er að glæpamenn séu að reyna að þvínga kennara til að borga jólabónusa sem kennarar fá í fyrirfram lausnargjald eða mútur til að koma í veg fyrir að reynt sé að ræna börnum. Ef það er rétt þá er ástandið orðið virkilega slæmt þarna, nánast styrjaldarástand. Sennilega hefur dópmarkaðurinn og ólöglegi lyfjamarkaðurinn hrunið eins og allt annað í hinu vestræna hagkerfi.

Ég skrifaði eftirfarandi fyrir mörgum árum um borgina og það er jafnsatt í dag:

Ég vona að þessi grein í Morgunblaðinu sé merki um að augu heimsins muni einhvern tíma opnast fyrir ástandinu í gullgrafarabæjum nútímans eins og Ciudad Juarez. Ég vona að fólk átti sig á að mannfallið og aftökurnar eru ekki mestar í skotbardögum þar sem bófagengi og góðu kúrekarnir plaffa hvern annan niður. Í þessari landamæraborg eru konur kyrktar og limlestar í svo stórum stíl að borgin hefur verið nefnd Ciudad Juarez: The Serial Killer´s Playground eða leikvangur raðmorðingja. Það er gífurlega víðfeðm leit að morðingjanum og löggæslumenn í borginni eru ásakaðir um spillingu og vanhæfni. En kannski er morðinginn ekki einn maður heldur margir og kannski eru morðin afleiðing af ástandi og spennu og viðhorfum á þessum stað. 

Hóta barnsránum

Athugasemdir

[Guðmundur Björn, 21.12.2008 kl. 21:06]

Eiturlyfjahringirnir í Mexíkó eru sem betur fer að hrynja þökk sé Calderón forseta og öflugum aðgerðum hans gegn þeim.  Þetta, að ég held, er úrræði hringjanna til að verða sér úti um fjármagn og til að klekkja á stjórnvöldum sem hafa leikið þá mjög svo illa á undarförnu. 

Ég var í Mexíkóborg eina helgi hjá vinafólki mínu (Mexíkóum) nú í nóvember, en ég eyddi rúmum tveimur vikum í Cancún.  Þau segja mér að yfirvöld hafa náð að espa eiturlyfjahringina upp á móti hvorum öðrum þannig að þeir eru að berjast innbyrðis. Þetta fólk sem er verið að myrða, eru langoftast meðlimir þessara hringja eða eiga eitthvað mjög mikið skylt við þá.

Þess utan eru spilltir lögregluforingjar, lögreglumenn og embættismenn að koma upp á yfirborðið, þannig að starfsemi eiturlyfjahringjanna er að hrynja eins og spilaborg. 

Í byrjun nóvember hrapaði flugvél í miðri Mexíkóborg, í þar lést innanríkisráðherra Mexíkó Juan Camilo Mourino, sem þótti hafa staðið sig stórkostlega í embætti og sérstaklega á móti eiturlyfjahringjunum.  Margir telja að um hefnd hringjanna sé um að ræða, en ekkert er sannað.

[Guðmundur Björn, 21.12.2008 kl. 21:12]

Juan Camilo Mourino var einhverskonar forsætisráðherra - ekki innanríkisráðherra.