Skert ferðafrelsi

Kastljósið upplýsti að stúlkan frá Guatemala hefði fengið ríkisborgararétt vegna umsóknar sem sagði frá veseni hennar við að fara í nám erlendis. Þetta vekur afar áleitnar spurningar um hvernig alsherjarnefnd þ.e. þingmennirnir Bjarni Benediktsson, Guðjón Ólafur Jónsson  og Guðrún Ögmundsdóttir störfuðu þegar þau fóru yfir þessar umsóknir. Það hlýtur að vera krafa okkar að vinnureglur Alsherjarnefndar séu gegnsæjar og réttlátar. Ég vildi svo sannarlega búa í landi það sem svo auðvelt er fyrir útlendinga að setjast hér að og verða fullgildir ríkisborgarar en ég er nokkuð viss um að svona auðvelt er ekki að verða Íslendingur fyrir flesta útlendinga.

Ég vona svo sannarlega að enginn úr alsherjarnefnd hafi talið sig vera að gera Jónínu Bjartmarz pólitískan greiða með þessari afgreiðslu og trúi ekki svoleiðis flónsku upp á neinn sem þar situr. Það hefði nú heldur betur verið bjarnargreiði. En mér finnst upplagt að nota þetta tækifæri til að benda á að við Framsóknarmenn viljum heiðarleg og fagleg vinnubrögð í stjórnsýslunni. Ég hef sjálf reynt að starfa af alefli með það að leiðarljósi  í Framsóknarfélaginu í Reykjavík Norður en reyndar ekki orðið eins vel ágengt og ég vildi. Það er önnur saga. 

Þau afgreiddu málið: Bjarni Ben., Guðjón Ólafur og Guðrún Ögmunds

Mikil umræða er um þetta mál á moggablogginu. Það er áhugavert um stöðuna í íslenskum stjórnmálum að þetta mál vekur miklu meiri athygli en t.d. hvernig Geir Harde og Ómar Ragnarsson standa sig í Kastljósi. Ég geri ráð fyrir að flestir hraðspóli yfir þá þegar þeir hlusta á Kastljósin um ríkisborgaramálið á Netinu. Aumingja Ómar, hann á það ekki skilið. Það er svo gott sem hann er að segja. Gallinn bara að við höfum heyrt það allt áður og erum svo sammála honum. Geir Haarde var hins vegar afspyrnuleiðinlegur í Kastljósinu. Það þarf ekkert að hlusta á hann. Alveg óhætt að hraðspóla. Hann segir hvort sem er alltaf það sama, það sé sjálfsagt að athuga málið. Geir er mjög athugull maður. 

Hér eru nokkrar tengingar um ríkisborgaramálið:

Afgreiðsla máls um veitingu ríkisborgararéttar 

Brotalamir 

 Bjarni Benediktsson segir ósatt

Hvar er skandallinn?

Pólitískar pælingar um stöðu Jónínu Bjartmarz

Skiptar skoðanir á viðtalinu við Jónínu Bjartmarz

Spilling Framsóknarráðherra og/eða vinavæðing?

 Jónína Bjartmars og ríkisborgararéttur tengdadótturinnar.

 Kastljósið að girða sig í brók

 Svekktur ...

 Fréttastofa Sjónvarpsins að missa allan trúverðugleika

 Mismunandi umfjöllun Stöðvar 2 og RÚV á "Jónínumálinu"

 Nornaveiðar Helga Seljan

 Bloggrúntur

 Öðrum fórst en ekki þér, Össur

 Bloggrúntur

 Skjóta fyrst og spyrja svo

Athugasemdir

[Jenný Anna Baldursdóttir, 30.4.2007 kl. 20:28]

Ég held að flestum hafi verið ljóst frá því þetta mál kom fyrst í Kastljósið að þarna var ekki allt sem skyldi.  Skömm er að.

[Svala Jónsdóttir, 30.4.2007 kl. 20:29]

"ég er nokkuð viss um að svona auðvelt er ekki að verða Íslendingur fyrir flesta útlendinga"

Ég er líka nokkuð viss. Þannig að þú sérð það núna að það hlýtur að hafa verið eitthvað bogið við þetta?

[Salvör Kristjana Gissurardóttir, 30.4.2007 kl. 20:47]

Svala, sá möguleiki hefur alltaf verið opinn að þetta væri einhvers konar fyrirgreiðslupólitík. En ef svo er þá á að spyrja þá sem veitti fyrirgreiðsluna og það er þessi nefnd. Ég á mjög erfitt með að trúa því að hún hafi ekki vitað deili á stúlkunni þó ég trúi Guðrúnu Ögmundsdóttur manna best. Íslenskt samfélag er bara svo örlítið. En eitt er víst að ef einhver hefur ætlað að gera Jónínu Bjartmarz einhvern pólitískan greiða með þessari afgreiðslu þá hefur það orðið heldur betur bjarnargreiði.  

[Bryndís Ísfold Hlöðversdóttir, 30.4.2007 kl. 21:46]

og svo er það þetta : http://www.bryndisisfold.blog.is/blog/bryndisisfold/entry/190949/

:)

[Kristján Pétursson, 30.4.2007 kl. 23:07]

Það verður að upplýsa í þessu máli hvaða reglur og lagaheimilidir Allsherjarnefndin legur til grundvallar í  sínum úrskurðum um samþykki og synjanir fyrir ríkisborgararétti.Annað er ósættanlegt,þjóðin verður að geta treyst,að lögformlega sé staðið að svo veigamiklum málum.

Þær upplýsingar sem fyrir liggja nú um samþykki nefndarinnar fyrir ríkisfangi stúlkunnar eru með öllu ófullnægjandi og benda afar sterkt á fyrirgreiðslupólutík af verstu gerð.Þetta mál verður upplýst.Bjarni,Guðjón og Guðrún verða að skýra satt og rétt frá málavöxtum.Jónína þarf líka að gera hreint fyrir sínum dyrum.

[Már Högnason (IP-tala skráð) 1.5.2007 kl. 07:35]

Framsóknarvörn

[Ester Sveinbjarnardóttir, 1.5.2007 kl. 07:40]

Það á að færa þessa nefnd úr höndum þingmanna, þeir eru eftir þessu að dæma ekki þess umkomnir að vinna á hlutlausan og faglegan hátt.

[halkatla, 1.5.2007 kl. 18:13]

mér finnst ekki eiga að vera svona auðvelt að fá ríkisborgararétt. Það blasir alveg við að mjög margir sem ættu að vera með ríkisborgararétt hafa hann ekki, en stelpa sem eignast hér kærasta en hefur engin önnur tengsl við landið á alls ekki að fá hann. Ef hennar aðstæður yrðu einu rökin fyrir því að fá ríkisborgararétt þá væri mjög mikið að í þessu landi. Sem betur fer er það ekki alveg svona auðvelt vanalega, en lögin eru glötuð. Alltof fáir flóttamenn fá hæli og mál þeirra dragast í kerfinu frammí það óheyrilega. Svo er illa komið fram við börn "nýrra" ríkisborgara og ýmsa aðra. Þetta Jónínumál er allt hið mesta skömm, fyrir hana og alla sem því tengjast, og þessir nefndarmeðlimir ættu að hypja sig af þingi hið snarasta. Þau eru verri en Árni Johnsen.