Kastljós fangavarðanna

Í Kastljósinu í kvöld var fjallað um fangelsið á Litla Hrauni. Ég kom seinast að fangelsinu  fyrir einu og hálfu ári  á jónsmessunótt en þá er hátíð á Eyrarbakka. Kona sem ég hitti þá sagði mér frá því að hún hefði oft  heimsótt son sinn í fangelsið, hann sat þar vegna fíkniefnadóms eins og raunar stór hluti af þeim sem eru í fangelsum á Íslandi. Sonur hennar er látinn. Hann dó kornungur og hann dó af völdum læknadópsins  Kontalgin

Kastljósið í kvöld var kastljós fangavarðanna. Umfjöllunin var mest um aðstöðu þeirra og umkvartanir.  Það var líka viðtal við fangann Þór Sigurðsson. Ég held að afbrot hans sé tengt fíkniefnaneyslu, hann braust inn í fyrrum vinnustað sinn í vímu til að fjármagna fíkniefnaneyslu og hann framdi voðaverk.

 

 

Athugasemdir

[Guðrún María Óskarsdóttir., 22.12.2006 kl. 01:01]

Sæl Salvör.

Mér fannst þetta nöturleg lýsing á aðbúnaði og umgjörð þessara mála hér á landi og stór spurning hvort við höfum ekki lengur efni á að reka kerfi mannsins sem hann hefur búið til .

kv.gmaria.

[Salvör Kristjana Gissurardóttir, 22.12.2006 kl. 01:33]

já, það er eitthvað að samfélaginu og fangelsunum. Það er hryllilegt ef fólk kemur ennþá skemmdara út eftir einhver ár. Ef ástandið er virkilega þannig að fangaverðir telja sig í hættu á að stinga sig á sprautunálum sem fíklar innan fangelsisveggja skilja eftir þá er þetta óviðunandi ástand. Hvers virði er þessi mikla öryggisgæsla og rafgirðingar? Er ekki komin tími til að skoða aðra möguleika og ef til vill fjölbreyttari í betrunarvist en Litla Hraun?