Með jólalögum skal land byggja

Lögreglan á samúð mína þessa daganna. Það varð alvarlegt umferðarslys í fyrradag á Vesturlandsvegi og veginum lokað um tíma og munu einhverjir ökumenn hafa veist að lögreglu og sagt henni að hunskast burtu. Svo hefur lögreglu verið hótað margoft vegna þess að maður sem lögreglan handtók fékk hjartastopp og lést. Í viðtali nýlega við rannsóknarlögreglumann og fjölmiðlaumfjöllun þá gat ég ekki  skilið umfjöllun öðruvísi en að rannsóknarlögreglumenn í ákveðnum málum teldu að þeir væru lagðir vísvitandi í einelti í fjölmiðlum og vegið að æru þeirra. Svo hafa náttúrulega njósna- og hlerunarmálin á kaldastríðstímanum verið mál málanna síðustu daga og þar hefur lögregla einnig orðið skotspónn.

 En með jólalögum skal land byggja þessa núna í desember og því er jólalag dagsins tileinkað þeim sem framfylgja lögunum en það er  Jólalöggan með hljómsveitinni Ælu. Hugljúft og jólalegt lag þrátt fyrir nafnið á hljómsveitinni. 

Ráðstafanir gerðar vegna hótana í garð lögreglu

Athugasemdir

[Paul, 12.12.2006 kl. 19:50]

Mikið er gaman að heyra í málssvara hins lágværa meirihluta. Held stundum að vissir fjölmiðlar séu vísvitandi að reyna skerða traust almennings á lögreglunni.

[Salvör Kristjana Gissurardóttir, 13.12.2006 kl. 13:06]

Ég er nú ekkert sérstaklega lágvær og ég reyni svo sannarlega ekki að fylgja meginhjörðinni eða einhverjum meirihluta. 

Það má vel gagnrýna lögregluna og það hef ég gert m.a. varðandi það sem mér virtist hroki lögreglu gagnvart alvarlegum ásökunum á vinnubrögð í dópsalalistamálinu. Þar var á ferð örvæntingarfullur faðir sem átti börn í helgreipum fíkniefna. Hann fór ekki rétta leið með kærur sínar og braut lög en það var full ástæða til að kanna það sem hann sagði.