Barn lést úr svínaflensu í USA, 91 tilfelli

Þetta er sorglegt, lítið barn lést í Texas og er það fyrsta andlátið í USA af völdum svínaflensunnar, sjá hérna: US reports first swine flu death og hérna First swine flu death in U.S. reported

Ég byrjaði á greininni svínaflensa á íslensku wikipedia í gær. Svo byrjaði ég líka á grein um H1N1 afbrigðið af inflúensu A.  Mér skilst að við getum þakkað fyrir að faraldurinn núna er bara H1N1 en ekki H5N1, þá myndu miklu fleiri deyja. En af hverju er Mexíkóafbrigðið svona miklu alvarlegra heldur en sýkingar sem upp koma annars staðar?

Í greininni um svínaflensufaraldurinn á ensku wikipedia er yfirlit sem er um hversu margir eru sýktir  skv. staðfestum opinberum tölum.Það er líka komin sérstök grein um tímalínu faraldursins og líka sérstök grein sem sýnir útbreiðsluna eftir löndum.

Barn sem lést í Texas var frá Mexíkó

Athugasemdir

[Sigurður Þór Guðjónsson, 29.4.2009 kl. 16:35]

Kannski eru tvö afbrigði í gangi í einu, annað verra en hitt en það verra hafi ekki enn borist út úr Mexíkó. 1918 flensan var væg til að byrja með en svo skæð. Þetta getur orðið alveg óútreiknanlegt og þegar veiran fer að sýkja marga getur hún stökkbreytast og orðið illúðleg.

[Finnur Bárðarson, 29.4.2009 kl. 16:41]

Bretar gera ráð fyrir, ef illa fer, að helmingur þjóðarinnar sýkist, og 700.000 muni látast. Skuggalegt svo ekki sé meira sagt.

[Sigmar Magnússon (IP-tala skráð) 29.4.2009 kl. 19:43]

Ég skil ekki alveg þessa umræðu... bara í BNA deyja 100 manns á hverjum einasta degi úr venjulegri flensu

[Salvör Kristjana Gissurardóttir, 29.4.2009 kl. 20:32]

Þetta er ekki venjuleg flensa. þetta verður kannski einhvern tíma venjuleg flensa en núna virðist þetta vera ný stökkbreyting og krossun á milli tegunda, veira sem hefur smitast frá svíni til manns getur núna smitast frá manni til manns. Þetta gerist að ég held ekki oft en þegar það gerist þá er ekkert ónæmi fyrir hjá manninum, þetta er ný flensa sem verður að faraldri.

Það hefur verið í mörg, mörg ár alls konar viðbúnaður í heiminum gegn því að það gerðist að fuglaflensa af stofni h5n1 krossaði svona þ.e. færi að smitast frá manni til  manns og það er gríðarlega hættulegt ástand. Það myndu miklu fleiri deyja í þannig ástandi. 

Málið er að sýkingin í Mexíkó virðist vera banvæn hjá miklu hærra hlutfalli en venjuleg flensa.

þetta er ekkert grín. þetta er grafalvarlegt ástand. þangað til verður búið að greina hvað er að gerast í mexíkó.