Gengi deCode lækkar um ennþá eitt sentið

Íslendingabók er samheiti yfir rit sem sýna eiga uppruna Íslendinga og þar með tilkall þeirra til gæða þessa heims. Íslendingabók hin eldri (Íslendingabók Ara fróða - Wikipedia) er sögð skrifuð af Ara fróða og er sennilega skrifuð til að rökstyðja hvernig ákveðnir menn sölsuðu undir sig landsvæði á Íslandi. Íslendingabók hin yngri er Íslendingabók (ættfræðigrunnur) er saga um genamassa íslensku þjóðarinnar. En staðan er nú þannig í augnablikinu að umheimurinn tekur ekkert mark á Íslendingabókunum og þær tryggja okkur engin völd í heimi sem á hverfanda hveli. Núna eru það skuldbindingar nokkurra fjárglæframanna sem umheimurinn tekur mark á sem segir til um hver á Ísland, sá sem á kröfurnar hann á líka eignirnar segja þeir sem trúa á kerfi kasínókapítalismans. Og Íslendingabók hin síðari hefur ekki fært gull og græna skóga til Íslands heldur.

 

Hlutabréf lækkuðu í Bandaríkjunum

Athugasemdir

[Finnur Bárðarson, 26.2.2009 kl. 16:11]

Frábær færsla sérstaklega þetta "En staðan er nú þannig í augnablikinu að umheimurinn tekur ekkert mark á Íslendingabókunum og þær tryggja okkur engin völd í heimi sem á hverfanda hveli"

Kveðja

[Sigurður Rúnar Magnússon, 26.2.2009 kl. 21:10]

Já, hver skyldi hafa hleypt úlfunum út úr búrunum og sigað þeim á landið.

[Jóhann Gunnarsson, 26.2.2009 kl. 21:38]

Salvör, er ekki sanngjarnt að halda því til haga að Íslendingabók hin nýja eða Íslensk erfðagreining hefur veitt hundruðum vel menntaðra manna og kvenna, sem flestir eru Íslendingar, vel launaða  umhverfisvæna vinnu ( með tilheyrani skatttekjum til ríkisins) um það bil tvöfalt lengur en upphaflegt stofnfé fyrirtækisins hefði dugað til.

Með góðri kveðju