Samvinnuhugsjón er eina vitið

Það kemur ekki á óvart að gengi Framsóknarflokksins fari nú upp á við í skoðanakönnunum. Stefna flokksins hefur höfðar til fólks og aldrei átt betur við en núna þegar öfgastefnur til hægri og vinstri hafa beðið skipsbrot og stórveldi sem byggja á þeim stefnum hafa liðast í sundur eða eru að liðast í sundur. Ekkert á betur við á þessum tímum en öfgalaus miðjuflokkur þar sem saman fer skynsemishyggja og samvinnuhugsjónir - flokkur þar sem ekki er byggt úr loftköstulum og spilaborgurm heldur horfst í augu við raunveruleikann og besta lausnin fyrir alla valin.

Þannig er Framsóknarflokkurinn  í dag það stjórnmálaafl sem hefur og getur skapað frið um nauðsynlega vinnu stjórnmálamanna - í ríkisstjórn með því að bjóðast til að verja stjórn Samfylkingar og Vinstri Grænna falli  og í borgarstjórn Reykjavíkur með því að bjarga borginni frá hreinum glundroða. 

Það hefur verið margt ámælisvert í Framsóknarflokknum undanfarin ár og stefna og stjórn flokksforustu   í mikilvægum málum hefur verið vægast sagt vond. En Framsóknarflokkurinn er samsettur af því fólki sem í flokknum er og það hefur verið hrópandi kall á breytingar og öðruvísi áherslum. Á nýafstöðnu flokksþingi var kjörin ný forusta og Framsóknarflokkurinn er einn flokka að horfast í augu við fortíð sína og vinna að breytingum.

Framsókn með 17% fylgi

Athugasemdir

[leedsari (IP-tala skráð) 22.1.2009 kl. 14:12]

Nýtt upphaf hjá framsókn með Sigmundi sem er duglegur og heiðarlegur

Þetta snýst um samvinnu.

[Hörður Már Karlsson (IP-tala skráð) 22.1.2009 kl. 18:29]

Og búa til nýjan S-hóp hættu nú alveg Salvör.

[Salvör Kristjana Gissurardóttir, 22.1.2009 kl. 19:36]

Hörður Már: Það eru tugþúsindir skráðir í Framsóknarflokkinn. Hvað voru margir í S hópnum? Telur þú að þessi S-hópur hafi skriftað reglulega á fundum Framsóknarmanna eða að Framsóknarmenn almennt hafi vitað hvað þeir gerðu eða samþykkt það?

[itg (IP-tala skráð) 23.1.2009 kl. 18:14]

Salvör, eru tugþúsindir skráðar í framsókn??...hvenær gerðist það?...erum við ekki bara um 300.000 allt með talið.

Fylgdust framsóknarmenn ekki með því hvað var að gerast í þjóðfélaginu undanfarin ár eða lásu blöðin??.  Þeir voru jú í stjórn í talsverðan tíma.