Enginn ís á Norðurpólnum í ár

Það eru meira en helmingslíkur á því að  það verði íslaust á Norðurpólnum í sumar, sjá þessa grein í Independent:  There is No Ice at the North Pole this Summer

Þetta verður þá í fyrsta skipti í sögu mannkyns sem það gerist. Vísindamenn segja að þetta sé vegna þess að núna sé ekki yfir pólsvæðinu þykk íshella heldur bara þunnur ís sem hafi myndast  á einu ári og þessi þunni ís geti auðveldlega bráðnað í sumar.

Aðstæður eru þannig núna að 70% af ísnum sem þekur svæðið er ís sem hefur myndast á einu ári. Hér er kort sem sýnir svæðið sem er á þunnum ís.

 Inúítar hjá Baffinsflóa milli Kanada og Grænlands segja líka að það sé miklu fyrr í ár sem ísinn brotnar upp í rekís.

Hugsanlega er samhengi milli þessa ástands á Norðurpólsvæðinu og þess að hingað hafa komið tveir eða fleiri ísbirnir í ár. Ef ísinn hverfur þá eru ísbirnir í bráðri útrýmingarhættu, búsvæði þeirra er horfið.

Hér er önnur grein um ástandið 

 Scientists warn Arctic sea ice is melting at its fastest rate since records began

 Ég minnist þess ekki að hafa séð spá um fiskistofna og lífríki sjávar við Ísland út af þessari ísbráðnun en þetta hlýtur að hafa áhrif, sjórinn er hlýrri og margar lífverur þrífast aðeins við eitthvað kjörhitastig. Fiskur á Íslandsmiðum er mjög háður því hvernig ljósáta dafnar í sjónum, svifþörungarnir sem ljósáta lifir á eru undirstaða lífsins í hafinu. Reyndar líka alls lífs á jörðinni ef út í það er farið.

Það eru kannski ekki allir svo óánægðir með að ísinn bráðnar, þegar heimskautaísinn bráðnar verður miklu auðveldara að komast að olíunni sem liggur á sjávarbotni.

"Paradoxically, the loss of sea ice will give Arctic countries such as Russia, Denmark, Canada, Norway and the US easier access to the parts of the seabed that are thought to be rich in oil and gas - the same fossil fuels that have exacerbated the global warming that has caused the sea ice to melt in the first place. "It's really rather disappointing when we talk about 25 per cent of the world's oil and gas reserves being under the Arctic when the loss of sea ice is the reason why we can get to it," Dr Serreze said."

Ég veit ekki hvort það gildir líka um Ísland að það verði auðveldara að dæla þeirri olíu sem finnst í íslenskri lögsögu en það er þó þannig að bráðnun Íshafsins þýðir opnun á siglingaleið sem hingað til hefur ekki verið raunhæfur kostur. Það er líklegt að áhugi Kínverja á Íslandi stafi að einhverju leyti vegna þessarar siglingarleiðar.

Það er mikilvægt fyrir alla íbúa jarðarinnar að hlusta á vísindamenn og aðra sem mæla hvað er að gerast og spá fyrir um hvað muni gerast. 

Uppfært:Sá að Mogginn er kominn með grein um ísbráðnunina:
Norðurpóllinn íslaus í haust?

 

Plöntur flýja til fjalla

Athugasemdir

[alva (IP-tala skráð) 27.6.2008 kl. 20:54]

Þetta er alveg hrikalegt!!

[Árni Gunnarsson, 27.6.2008 kl. 21:12]

Já, það er hrikalegt og hrikaleg líka öll sú afneitun af pólitískum toga sem þessu tengist.

Og svo er það langtímaspurning hvort ástæða sé til að fagna að ráði greiðari leið stórveldisins Kína til okkar auðuga eyríkis. 

[Örn Johnson ´43 (IP-tala skráð) 28.6.2008 kl. 00:14]

Hrikalegt, líklega sama ástand þarna og þegar Ísland byggðist. Nei, við viljum hafa kaldara land, ekki satt ?

p.s. Hvað áttu landnámsmenn marga bíla, flugvélar og álverksmiðjur ?  Svar óskast sem fyrst, takk, bara hér inni.  Gott að vera laus við þennan landnámsskríl, ekki satt ?

[Guðrún María Óskarsdóttir., 28.6.2008 kl. 03:37]

Sæl Salvör.

Góður pistill eins og þín er von og venja, og sannarlega þarft að horfa á staðreyndir í þessu sambandi.

kv.gmaria.

[Ágúst H Bjarnason, 28.6.2008 kl. 14:44]

Hvernig ætli standi á því að hafísinn við Suðurskautslandið hefur verið að aukast á sama tíma og hann hefur verið að minnka á norðurslóðum? Hvers vegna hefur ekki orðið nein breyting á heildarmagni hafíss s.l. 30 ár þegar tekið er mið af norður og suðurhveli saman?

 

Hafísinn á norðurslóðum. Takið eftir lægðinni s.l. sumar og viðsnúningnum.

 

Hafísinn við Suðurskautslandið hefur verið að aukast. Er í hámarki miðað við síðustu 30 árin.  Heimild: http://arctic.atmos.uiuc.edu/cryosphere/IMAGES/current.anom.south.jpg

 Heildarísmagnið (samtals á norður og suðurhveli) hefur nánast staðið í stað síðustu 30 árin. Sjá ferilinn hér.  Takið eftir dýfunni á síðasta ári og síðan viðsnúningnum.

Sjá: 

 

 http://arctic.atmos.uiuc.edu/cryosphere/

[Hrannar Baldursson, 29.6.2008 kl. 04:36]

Góð grein hjá þér Salvör.

Svo þegar maður sér línurit Ágústs dettur manni helst í hug að samband sé á milli gengisins og ísþykktar á norðurpólnum. 

[Hrannar Baldursson, 29.6.2008 kl. 04:37]

Þessu átti að fylgja broskall.