Spjallþáttur á útvarpi Sögu

Ég var á föstudaginn í spjallþætti hjá Óskari Bergssyni á Útvarpi Sögu. Ég var þar með Sóley Tómasdóttur. Sóley og Óskar eru náttúrulega á kafi í borgarmálefnunum þannig að umræðan snerist mikið um þau þó að maður hafi reyndar ekki mikið brjóst í sér þessa daganna að hæðast meira að Sjálfstæðismönnunum í borginni, þau eiga svo bágt núna.

Þátturinn var endurfluttur áðan og ég rétt náði að taka upp seinasta korterið en hér er sem sagt bútur úr þessu útvarpsspjalli (.wma skrá 17 mín, 15.6 mb) Þetta var bara skemmtilegt og við höfðum um margt að tala. 

Bloggarar eru mikið í fjölmiðlum þessa daganna, alls staðar vitnað í bloggin og meira segja sumir fjölmiðlar með sérstaka bloggþætti. Það var fyndið í silfri Egils í dag að heyra hæstvirtan heilbrigðisráðherra (sem bloggar ekkert að ég best veit og skilur því ekkert nútímann:-) spyrja með nokkrum þjósti hvort það skipti einhverju máli hvað einhver Friðjón með appelsínurnar hefðu sagt um hann á einhverju bloggi. 

En hér er bloggúttekt vikunnar í Spaugstofunni, þeir spaugarar geta náttúrulega ekki verið minni menn en aðrir fjölmiðlamenn sem taka sig alvarlega og verða að hafa einhvern part helgaðan bloggurum. það er náttúrulega næturbloggið hans Össurar sem er tekið fyrir:

 

Athugasemdir

[Jens Guð, 2.3.2008 kl. 23:53]

  Þú varst bara flott í Kastljósi.  Og takk fyrir "komplimentið" um mitt blogg. 

[Ásthildur Cesil Þórðardóttir, 3.3.2008 kl. 11:23]

Þið standið ykkur vel eðalbloggarar í fjölmiðlum. 

En Spaugstofumönnum eru mislagðar hendur, og síðasti þátturinn þeirra var hálf slappur, mér fannst þeir líka ganga of langt í spauginu um Össur, of mikið blóð fyrir minn smekk.  En menn geta ekki alltaf verið skemmtilegir. 

[Salvör Kristjana Gissurardóttir, 3.3.2008 kl. 11:30]

Árni: Jú, Spaugstofan er höfundarvarið efni. Því miður eru engin ákvæði um "fair use" í íslenskum lögum þannig að ég er á mjög gráu svæði að setja þetta hérna og mun auðvitað taka út þessa mínútuupptöku ef óskir koma um það. þetta er aðgengilegt á vef ruv en það er vesen að finna beint bloggumfjöllunina.

það gildir dáldið annað um þegar ég hef tekið upp myndskot úr t.d. Kastljósi eða úr Spaugstofunni, Kastljós er fréttaskýringarþáttur en Spaugstofan skemmtiþáttur. Ég mæli sem sagt ekki með upptökum af Spaugstofunni. Mér fannst bara þessi næturbloggarasena svo fyndin að ég gat ekki stillt mig.

En ég hugsa að ég haldi áfram að vitna í og taka upp brot af efni RÚV þangað til mér verður hótað málsókn. RÚV er ríkisfréttastofan okkar hérna og efni þar er kostað af almannafé. Því miður eru höfundarréttarmál ekki í takt við nýja tíma - tíma þar sem notendur vilja nota efnið áfram og endurblanda.