Að pimpa upp jólamyndirnar

Nú eru sennilega hundruðir jólamynda fljótandi hjá öllum fjölskyldum. Myndir af pakkaupptökunni, myndir af börnum í jólafötum við jólatréð, myndir af jólaborðhaldi og myndir úr fjölskylduboðunum. Þessar myndir verða skemmtilegar minningar þegar tímar líða fram, sérstaklega náttúrulega gaman að eiga myndir af litlum börnum og sjá hvernig þau breytast. Það þarf að passa vel að geyma góðar myndir í bestu upplausn.

En til að myndirnar verði svolítið skemmtilegri og líflegri þá er upplagt  jólaföndur að vinna með stafrænu jólafjölskyldumyndirnar. Það þarf bara að passa að  vista aldrei ofan í upphaflegu myndina.  Hér fyrir ofan er mynd af Elínu 5 ára við jólatréð en ég bætti svolitlu af djásnum á jólatréð svo það glitraði meira. Svo er mynd af Kristínu Helgu og Signý með Lindu og Elínu og Lilju og ég setti glit í bakgrunninn og kórónur á prinsessurnar.

Hér er Gísli Garðar 3 ára með töfrasprota og kórónu.

Kristín og Signý í jólastemmingu að borða jólahangikjötið.

Það gerði ég með hjálp http://www.pazoen.com/

Athugasemdir

[Carlos Ferrer (IP-tala skráð) 26.12.2007 kl. 21:07]

Salvör, mér finnst þessi fyrirsögn rétt til fundin. Þessar stjörnur á jólamyndunum eru álíka smekklegar og marquee tagið í html texta, að mínu viti. Hitt er algerlega rétt, að því meiri upplausn á mynd í geymslu því betra. Verst að flickr leyfir ekki myndir í .raw eða .tif formi.

[www.zordis.com, 27.12.2007 kl. 00:35]

Glamúr og flottheit um jólin hjá þér!  Jólakveðja til þín kæra Salvör!