Jarðskjálftar í heiminum

Hér prófa ég að líma inn "widget" sem á að uppfærast sjálfkrafa og sýna okkur síðustu jarðskjálftana á jörðinni. Upplýsingarnar eru frá USGS og kortið frá Google.Það er einkenni á vefumhverfi nútímans að notendur líma svona kóða inn á sínar vefsíður og sín blogg, kóða sem sækir gögn í einhvern gagnagrunn annars staðar.

Það verður að smella á kortið til að setja þetta á stað og reyndar varð ég að smella á "refresh" til að fá kortið til að birtast í upphafi, það getur ýmislegt komið upp á þegar maður notar svona "widget" og stundum virka þau ekki, t.d. ef það er ekki samband við gagnagrunninn sem þau sækja í.

Svo reyndi ég að setja inn annað "widget" sem heitir "Virtual Earth" það er landakort af heiminum og maður getur súmmað inn, ég súmmaði svo langt inn á Íslandi að ég hélt bara að ég væri lent á þakinu í húsinu þar sem ég bý. Moggabloggið tók ekki við því, mér sýnist ég ekki geta sett hérna inn javascribt. En slóðin er hérna.

387 látnir eftir jarðskjálfta í Perú

Athugasemdir

[Júlíus Valsson, 17.8.2007 kl. 09:39]

Takk fyrir ábendinguna! Mjög áhugavert!

Hefur þú skoðað veðurspána á belgingur.is? 

[Salvör Kristjana Gissurardóttir, 17.8.2007 kl. 14:34]

Ég gat nú ekki skoðað belgingur.is, síðan liggur niðri en ég las þetta http://www.mbl.is/mm/frettir/innlent/frett.html?nid=1267384