Götukubbar

Ég sá þessa götutálma á götu í Brighton í gærkvöldi. Þeir voru fylltir af vökva. Þetta er sniðug hugmynd til að reisa veggi og götutálma. Kubbarnir eru léttir tómir og auðflytjanlegir. Svo eru þeir væntanlega fylltir af vatni  og þá eru þeir þungir og stöðugir. 

Þetta er sniðug hugmynd í ýmis konar leiktæki fyrir krakka. Ef til vill er hægt að búa til nútíma snjóhús með svona kubbum ef þeir væru úr efni sem þendist út.

Hér  er legókubba-klakamót fyrir þá sem vilja búa til legóklaka til að byggja úr. Það er líka hægt að búa til ískastalar úr ýmis konar plastílátum.

Athugasemdir

[Imma (IP-tala skráð) 11.7.2007 kl. 12:13]

Hæ.  Ég er nýkomin heim eftir mánaðardvöl á Jótlandi.  Ég keypti mér einmitt svona legókubbaklakamót í Loególandi !!!  Skemmtu þér vel í Brighton.

[Gunnar Th. (IP-tala skráð) 11.7.2007 kl. 18:48]

Ámóta kubbar hafa verið framleiddir hér á landi af Borgarplasti, muni ég rétt. Umræðan um notkun þeirra í stað steinsteyptra leiðara, þar sem gatnaframkvæmdir standa yfir,  varð allnokkur þegar banaslysið varð á Reykjanessbrautinni milli Vífilsstaða og IKEA nú sl. vetur. Forstjóri Borgarverks kvaðst þá hafa kynnt þessa kubba fyrir forráðamönnum Vegagerðarinnar en talað fyrir daufum eyrum.

Séu þessir kubbar notaðir sem  vegleiðarar eða tálmanir við framkvæmdasvæði, eru þeir taldir miklum mun öruggari og eftirgefanlegri en steinsteypustykkin sem algengust eru. 

.......en við Ísl. erum stundum dálítið aftarlega á merinni þegar þróun í umferðaröryggi er annars vegar.....

[Edda Agnarsdóttir, 12.7.2007 kl. 00:57]

Klukk bloggvinur! Leikur í bloggheimum!

[Ásgeir Rúnar Helgason, 12.7.2007 kl. 10:16]

Það var verið að "klukka" mig um daginn en ég fattaði ekki hvað var í gangi (fatta það ekki enn) og gerði því ekki neitt. Er þetta einhverskonar saklaust "keðjubréf"?

Getur þú útskýrt leikinn Edda?

[www.zordis.com, 12.7.2007 kl. 19:36]

Svona vegleidarar eru í fullu fjöru hér á Iberiuskaga .... eigu yndi á gódum degi!

[Salvör Kristjana Gissurardóttir, 13.7.2007 kl. 09:39]

Gaman að heyra að fólk kannast við svona legókubba fyrir vegagerðir. Ef til vill hefði svona kubbar bjargað mannslífi í banaslysinu sem þú talar um Gunnar þannig að þetta er ekki bara sniðug aðferð heldur spurning um öryggi. Ég stundum er gáttuð á því hvað lítil fyrirhyggja er í hvernig framkvæmdir á vegum eru merktar. Alltaf þegar ég keyri í USA þá eru blikkandi ljós löngu, löngu áður en maður kemur að vegþrengingum og tímabundnum vegum. 

Eins er með einbreiðu brýrnar. Það deyja og slasast allt of margir á þeim vegna þess að þeir átta sig ekki á aðstæðum í tíma.