Avatar

Í mörgum kerfum á Interneti þá þarf maður að búa til persónu eða avatar. Í netheimum eins og Second Life þá er fólk lengi að hanna útlitið á leikmanni sínum og breyta ímynd sínni.

Robbie Cooper hefur skrifað bókina Alter Ego - Avatar and their Creators.

Hann fær út að leikmennirnir líkist skapara sínum. 

Sjá nánar frétt á CNN Identity in a virtual world

Ég var að prófa áðan kerfi sem heitir meez.com

þar getur maður búið til sína eigin þrívíddarvélveru og ákveðið útlit og bakgrunn. Ég bjó til þessa veru hérna til hliðar, ég veit ekki hvort það segir eitthvað um mig að ég bjó til málaða gellu í anarkistabol og skæruliðabuxum og rauðbleikum skóm að taka heljarstökk afturábak í druslulegu eldhúsi. Ævintýrið um rauðu skóna sem ekki mátti dansa í hefur alltaf heillað mig, það er eitt af þeim ævintýrum sem eru ólar til að reyra fólk niður - svona kerfi þar sem ekki þarf neina alvöru fjötra heldur fjötra sem eru úr sama efni og nýju fötin keisarans. 

Þetta er sem sagt minn avatar um rauðu skóna. 

Athugasemdir

[Ásthildur Cesil Þórðardóttir, 1.7.2007 kl. 12:50]

Þetta er flott gella  En eins gott að hún er ekki lengi fyrir framan mig, því hún er svo mikið á hreyfingu.  Ég er mjög hrifin af ævintýrinu um nýju fötin keisarans.  Mér finnst hún taka mjög vel á hræsninni sem tröllríður öllu.  Ég nota þetta líka oft þegar ég er að skrifa um málefni. 

[Árni Gunnar Ásgeirsson, 2.7.2007 kl. 13:39]

Væri ekki ráð að loka samt frystihólfinu?