Myndletur MSN kynslóðarinnar

Ég horfi stundum á skrif dóttur minnar á MSN (það heitir POS sem er skammstöfun á Parent Over Shoulder ) og skil bara ekkert , allt útbúað í alls konar styttingum, slangri og litlum köllum . Ég sé líka að blogg yngstu kynslóðarinnar er að breytast í myndmál. 

Ég sé líka að merkingar í daglega lífinu eru sífellt meira orðin eins og lítil íkon og þetta nýja myndmál er alþjóðlegt og ekki bundið tungumálum. Núna er netfyrirtækið Zlango búið að setja upp SMS þjónustu sem alfarið byggir á myndmáli. 

Hér er lítið dæmi um hvernig maður skrifar í þessu SMS máli

 

 

 

 

 

 

Fréttatilkynningin var skrifuð svona.

Ég skrifaði  á sínum tíma greinina Ritmál á íslensku wikipedíu og las þá ritverk  Þorbjörns Broddason. Ritlist, prentlist, nýmiðlar og margar greinar á Wikipedíu um þróun leturs. Við lifum núna í samfélagi sem er í óða önn að taka upp flókið myndletur. Það er gaman að  bera þetta nýja tæknimiðlamyndletur saman við myndletur Asteka og Kínverja. 

Ég velti fyrir mér hvernig eða hvort þessi þróun hjálpar þeim sem einhverra hluta vegna geta ekki tjáð sig með orðum. Það eru mörg fötluð börn sem nota svokallað tákn með tali og táknmál heyrnarlausra en nú líka þannig að í þeirri menningu talað maður með líkamanum. 

 

 

Athugasemdir

[Jón Steinar Ragnarsson, 13.2.2007 kl. 19:46]

Við þyrftum að útbúa svona Rosettstein með þessum táknum, svo fornleifafræðingar framtíðar geti ráðið í okkar ástkæra ylhýra síðar meir.  Ætli Egipsku hyroglyphurnar hafi þróast svona?

Þetta er skemmtileg en samsetningar og blæbrigðamöguleikarnir eru takmarkaðir, svo ekki sé minnst á orðaforðann. Svei mér ef ég heyri ekki áhrif þessa á máli sumra barna.

[Elías Halldór Ágústsson, 13.2.2007 kl. 22:16]

Ég held samt að þróunin í netmáli sé alltaf sú að fólk kjósi að vanda mál sitt og skrifa sem réttast. Það á þó ekki við um SMS, þar sem lyklaborðið er svo frumstætt að styttingar hafa ótvíræða kosti í för með sér.

Ég tala hér af reynslu eftir að hafa hangið á IRC í 13 ár. 

[Salvör Kristjana Gissurardóttir, 13.2.2007 kl. 22:47]

Ég held að svona mál geti alveg verið blæbrigðaríkt en það er ekki víst að ég og aðrir sem tala þetta mál áttum okkur á því. Það eru kannski mállýskur eins og að hafa broskalla inn í miðri setningu og setja broskalla hlið við hlið í ákveðinni röð - blæbrigði sem fara fram hjá okkur sem ekki skiljum. Þannig er líka táknmál heyrnarlausra, ungir tala öðruvísi en eldri og það er stétta- og menningarmunur í hvaða tákn maður notar. Einn maður sagði mér að ef maður væri mjög dannaður þá væri táknið fyrir konu eyrnalokkur og þá færir maður hendina að eyranu en ef maður ætlaði að vera klúr þá væri tákn fyrir konu brjóst.

[Salvör Kristjana Gissurardóttir, 13.2.2007 kl. 22:51]

Ég las einhvers staðar að til að skrifa einföld bréf á kínversku þyrfti maður að kunna 1000 tákn. Það ætti að vera hægur leikur að læra eitt þúsund svona nútíma íkonamál.

[Ólafur fannberg, 14.2.2007 kl. 06:57]

þetta endar með egyptisku myndletri einn daginn ....aftur