Neyðarstjórn kvenna starfar af krafti

Um eitt hundrað konur komu saman í gærkvöldi á fyrsta hugarflæðisfundinum í Neyðarstjórn kvenna. Hér eru myndir sem ég tók á  fundinum og setti inn á Facebook myndasafn.

Það eru komnar 1391 konur í hópinn Neyðarstjórn kvenna á facebook en hann var stofnaður á fimmtudaginn var.

Um hópinn segir:

Hópur kvenna sem hefur ákveðið, með almannaheill í fyrirrúmi, að mynda neyðarstjórn yfir landinu enda hafa valdhafar sýnt fram á ótvírætt vanhæfi.

Hópurinn er opinn öllum konum sem langar að leggja sitt af mörkum til að byggja upp samfélag þar sem jafnræði kvenna og karla ríkir á öllum sviðum.

Reykjavík á krossgötum

Athugasemdir

[Villi Asgeirsson, 5.11.2008 kl. 01:27]

Uh, ég vil ekki rigna á skrúðgönguna, en er neyðarstjórn kvenna og jafnræði kynjanna ekki mótsögn?

Skiptir svo sem ekki máli. Þær munu örugglega standa sig miklu betur en núverandi stjórn. :o)

[Jón Aðalsteinn Jónsson, 5.11.2008 kl. 11:49]

Hafa þær að leiðarljósi hin kvenlægu gildi sem gilda nú í Glitni og Landsbanka