Frestunarárátta og Wikipedia

Fólk hefur margar aðferðir til að koma sér undan að gera eitthvað. Það er alltaf hægt að vafra um á Netinu, hlusta endalaust á Silfur Egils á Rúv vefnum, lesa moggabloggara alveg upp til agna og fletta lon og don upp á fréttum til skiptis á mbl, cnn og bcc. En ég er búin að sálgreina sjálfa mig. Fyrir utan að gera allt þetta sem hér er upptalið þá hef ég komið mér upp einni aðferð til að fresta hlutum og koma mér undan að skrifa skýrslur og alls konar dót.  Þetta gengur út á að skrifa greinar í íslensku wikipedia. Mér sýnist beint samband milli þess hve þjáð ég er af frestunaráráttu og hve margar greinar ég skrifa á íslenku wikipedía.

Núna á sunnudaginn var ég mjög kvalin af frestunaráráttu sem fékk útrás í því að ég skrifaði átján greinastúfa á wikipedia. Það er nú held ég metið. Ég lagfærði líka ýmsar aðrar greinar og hlóð nokkrum tugum mynda úr Grasagarði Reykjavíkur inn á Commons ég afsalaði mér höfundarrétti af þeim myndum sem ég hlóð inn í dag þannig að þær eru í PD og hver sem er getur notað þær til hvers sem er.  Svo byrjaði ég þessum greinum  og greinastúfum í dag:

1.  Elri
2.  Mararlykill
3.  Roðalykill
4.  Júlíulykill
5.  Rósalykill
6.  Súrsmæra
7.  Rósakirsiber
8.  Skógarlyngrós
9.  Brekkugullhnappur
10.  Asíugullhnappur
11.  Engjagullhnappur
12.  Heiðagullhnappur
13.  Blóðrifs
14.  Landmannalaugar
15.  Hófsóley
16.  Maígull
17.  Hjartartré
18.  Brekkugoði

Þetta eru flest greinar með myndum sem ég tók í Grasagarðinum í dag. Þær eru nú bara byrjunin, vonandi tekur einhver við og bætir við þessar greinar. 

Ég hef ekki hugmynd um hvers vegna ég skrifaði grein um Landmannalaugar. Jú, núna man ég. Það er vegna þess að hófsóley vex við Landmannalaugar og þegar ég tengdi úr grein um hófsóley í Landmannalaugar þá fann ég út að það var engin grein til og það er náttúrulega skandall þannig að ég fór úr blóma og trjádóti inn í Landmannalaugar.

Annars var líka markmiðið hjá mér að einbeita mér að því að skrifa greinar um fiska og eitthvað tengt lífríki sjávar á wikipedia. Það hefur riðlast mikið. Nú er ég farin að skrifa um danska konunga og norræna sögu.

Það sem af er árinu hef ég skrifað auk greinanna 18 frá því í dag þessar greinar:

1. Hólmgarður
2.  Sendlingur
3.  Þrastarlundur
4. Friðrik 6. Danakonungur
5.  Regensen
6.  Þrenningarkirkjan
7.  Steingrímur Jónsson (biskup)
8.  Sækýr
9.  Þjórsárhraun
10. Suðurlandsskjálfti
11.  Þriggja gljúfra stíflan
12.  Kardimommubærinn
13.  Akureyrarveikin
14.  Huldulykill
15.  Heiðabjalla
16.  Straujárn
17.  Fossafélagið Títan
18.  Urriðafoss
19.  Gullregn
20.  Glitrós
21.  Hundarós
22.  Vistmenning
23.  Lárpera
24.  Hvíthákarl
25.  Rauðar íslenskar
26.  Kartöflubjalla
27.  Langreyður
28.  Trójuhestur
29.  Kassandra

Athugasemdir

[Hlynur Þór Magnússon (IP-tala skráð) 19.5.2008 kl. 07:10]

Sæl, ágæta Salvör. Mig langar að komast í tölvupóstsamband við þig varðandi Wikipedia á íslensku. Netfangið mitt er htm (hjá) snerpa.is ...

[Brynjar Hólm Bjarnason, 19.5.2008 kl. 07:43]

Þetta er alveg frábært hjá þér. En hvað gerir þú þess á milli að vera að lesa bækur og blogga/skrifa á netið?

[Steingerður Steinarsdóttir, 19.5.2008 kl. 16:58]

Þú ert aldeilis afkastamikil. Við eigum þér mikið að þakka Íslendingar. Wilkipedia er frábær alfræðiorðabók og ég nota hana mikið.

[Anna Karlsdóttir, 20.5.2008 kl. 05:06]

Það er allavega ekki hægt að segja annað en að frestunaráráttan nýtist til einhvers annars nýtilegs. Gangi þér vel í baráttunni við bæði að fræða (líka á wikipedia) og sigrast á frestunaráráttunni.

[Smári McCarthy (IP-tala skráð) 22.5.2008 kl. 15:09]

Úff, ég er ekki búinn að vera nógu duglegur á Wikipedia undanfarið. Svo margt annað að gera... kannski ég taki stúfaflipp á næstunni samt, fyrst þú sýnir svona gott fordæmi. :)