Saga af 10 ára frumbyggjastúlku

Hún er aftur komin á fósturheimili. Hún er soldin seinþroska. Eiginlega dáldið mikið  á eftir, hún hefur núna þroska á við fimm ára barn og það er ekki von til þess að hún nái nokkurn tíma jafnöldum sínum því hún er með heilkenni sem kallast  fetal alcohol syndrome og stafar af áfengiseitrun sem hún varð fyrir í móðurkviði. 

Hún var misnotuð af aðila úr fjölskyldu sinni áður en hún var fimm ára gömul. Þá var hún sett í fóstur en var skilað aftur til fjölskyldu sinnar  þegar hún var 7 ára. Þá var henni hópnauðgað af fimm strákum. Hún smitaðist þá af sýfilis og fékk áverka á kynfæri.  Hún var aftur send í fóstur. Þegar  hún var 10 ára fór hún aftur til fjölskyldu sinnar í frumbyggjabyggðinni.  það líðu aðeins nokkrar vikur þangað til búið var að nauðga henni margoft og í eitt skiptið var það hópnauðgun, það voru sex unglingstrákar og þrír fullorðnir karlmenn sem stóðu sameiginlega að því verki.  Dómari í Ástralíu hugsar á svipaðan hátt og sumir íslenskir dómarar. Hann sleppti þeim sem nauðguðu henni  án refsinga á þeirri forsendu að stelpan hefði sennilega samþykkt að eiga mök við þá.

Þetta er ekki hryllingssaga aftur úr öldum, þetta er ekki saga um lífsskilyrði frumbyggjastúlkna á nýlendutímanum. Þetta er saga úr nútímanum, saga sem sýnir hvernig lífið er núna hjá þeim sem sem lægst eru settir í samfélagi þeirra lægstsettu. Þetta er glænýr dómur, bara mánaðargamall og þetta er hitamál í Ástralíu núna.

Gang rape furore exposes shocking picture of abuse

Saksóknarinn í málinu sagði af sér í gær, það er mikill reiði í hans garð fyrir að hafa stuðlað að því að nauðgarnir fengu enga refsingu. Aurukun gang rape case prosecutor quits
Í skjölum um rannsóknina kemur þetta fram um viðhorf stjórnvalda sem rannsökuðu málið:

Court transcripts released Tuesday showed Mr Carter had described the 2006 incident as "childish experimentation" and consensual "in a general sense".

 Prosecutor in gang rape case stood aside - Breaking News ...

Aurukun rape the tip of the iceberg: Pearson - ABC News ...

 

 

Frumbyggjar fá ekki skaðabætur

Athugasemdir

[Þórarinn Þ Gíslason (IP-tala skráð) 8.1.2008 kl. 05:56]

Ég held að það sé ekki fræðilegur möguleiki að "TOPPA" þetta.

Þvílíkur viðbjóður,á viðbjóð ofan

 já,það er með ólíkindum hvað manneskjan getur skriðið lágt.

Takk fyrir að birta þetta   (hafði að vísu séð aðeins af þessu.)

[Þórey Rúnarsdóttir (IP-tala skráð) 8.1.2008 kl. 07:00]

Sama hér. Mér finnst að svona börnum ætti að vera boðin ríkisborgararéttur á Íslandi ásamt 15 ára stelpunni sem var látinn í karlafangelsi í margar vikur í Brasilíu og annarri 19 ára frá Sádi Arabíu eða álíka landi þar sem hún var dæmd í fangelsi fyrir að ferðast með ókunnugum þegar henni var hópnauðgað í bíl sem hún var í.

[Ásgeir Kristinn Lárusson, 8.1.2008 kl. 08:22]

Þetta er þyngra en tárum taki og meðferð „herraþjóðarinnar“ á frumbyggjum Ástralíu gegnum tíðina, sem í einu orði má lýsa sem þjóðarmorði...markvissu og ísköldu, þar sem sálin er fyrst drepin og í kjölfarið veslast líkaminn upp.

[Elín Sigríður Grétarsdóttir, 8.1.2008 kl. 10:25]

Þetta er svipað og með indjánana í usa, þar eru sifjaspell daglegt brauð og næstum normið, að auki eru tvær helstu dánarorsakirnar þeirra á meðal alkóhólismi og berklar, á 21.öldinni. Þetta er til háborinnar skammar og ég þakka fyrir að hafa alist upp á íslandi og eiga hér öruggt skjól (tja, svo lengi sem ég fer ekki að taka upp á því að láta nauðga mér og þurfa að horfa á kvalara minn fá skömm í hattinn og sendan sína leið, eða lenda í slysi og þurfa að eiga viðskipti við Brandarastofnun Ríkisins eins og Freyja kallar TR réttilega)

[ESG (IP-tala skráð) 8.1.2008 kl. 14:42]

Svo berja Ástralir sér á  brjóst og  vilja   að veröldin öll  viti hvað þeir séu miklir hvalavinir !

[www.zordis.com, 8.1.2008 kl. 19:40]

Hryllilegt að þessar aðstæður séu til og að samfélagið samþykki svona lagað. 

Orðlaus yfir þessum ljótleika!

[Soffía Sigurðardóttir, 10.1.2008 kl. 08:52]

Þakka þér fyrir að vekja athygli á fréttunum á bak við þessa frétt. Þessi meðferð á stúlkunni er eitthvað sem má ekki týnast í einni frétt sem rennur niður af fréttasíðunum eftir nokkrar mínútur.