Sorrý strákar

Jens Gud segir að Fatsmo-drengirnir séu strákar úr  Bústaðahverfi sem æfðu saman box og aðrar bardagaaðferðir.

 

Sjá þetta blogg:

Voru það Fatsmo-drengir sem gengu í skrokk á Hannesi Sigurðssyni?

Hann segir m.a.: "Drengirnir fóru að halda úti heimasíðu þar sem þeir montuðu sig af því þegar þeir réðust á hinn og þennan fyrir utan skemmtistaði og börðu.  DV birti eitthvað af þessum montsögum.  Þá þurrkuðu þeir sögurnar út og gerðust talsmenn gegn ofbeldi. "

Í þessum fazmohóp eru nefnd nöfnin Davíð Smári Helenarson, Ingvar Þór Gylfason og Hallgrímur Andri Ingvasson. Ég fann  viðtal við þá Ingvar Þór og Hallgrím Andra í DV í apríl 2006 þar sem þeir fjalla um vefsvæði sem þeir reka en það eru vinsæll barnavefur leikjaland.is og svo vefirnir  pose.is og  69.is sem ég hef gagnrýnt margoft í bloggi fyrir vægast sagt afar ógeðslegar áfengisauglýsingar og kvenfyrirlitningu.

Þau skipti sem ég hef litið inn á þessa vefi nýlega sýnist mér þó að þeir hafi farið mjög batnandi. Einnig held ég að þeir hafi rekið vefinn tveir.is sem var einhvers konar vefur tengdur þeim og áhugamáli þeirra (lyftingum o.þ.h.) og einhvers konar sölu á fæðubótarefnum til lyftingamanna. 

Mín fyrri blogg: 

 Cult Shaker kúltúr á Íslandi

Áfengisauglýsingar sem beint er til unglinga

Klámleikjalandið Ísland og klámtán Reykjavík

Blogg að auglýsa leikjaland.is: 

Öðruvísi á Leikjaland.is

Ég vona svo sannarlega að þeir Ingvar Þór og Hallgrímur Andri hafi kúvent í viðhorfum sínum frá því þeir voru unglingar í Fazmo en ég vil benda foreldrum á að  bakgrunnur þeirra og eignatengsl og rekstrartengsl leikjaland.is við aðra vefi (t.d. 69.is) og þeirra afar einkennilega viðhorf varðandi að reyna selja unglingum vímuefni (hér á ég við  lítt dulbúnar áfengisauglýsingar á pose.is og 69.is, ég tek fram að ég er ekki að ásaka þá um annað) gera að verkum að þeir eru afar óheppilegir aðilar til að reka einhvers konar tómstundamiðstöðvar á Netinu fyrir börn.

Ég fann þetta plakat frá 2006 þar sem þeir Ingvar Þór og Hallgrímur Andri eru á auglýsingunni fyrir V-daginn.

Á einum af þeim vefjum sem þeir reka  þ.e.  69.is   þá sá ég þessa frétt um kastjósviðtal við Davíð Smára Helenarson 

 Sér eftir að hafa rifbeinsbrotið dómara

Það segir m.a. :" Davíð neitaði því í Kastljósviðtalinu að hafa verið sá, sem réðist á Eið Smára Guðjohnsen, fyrirliða landsliðsins, á Lækjartorgi fyrir mánuði. Hann hafi verið á staðnum, en reynt að stöðva árásarmanninn, sem hann sagðist reyndar þekkja mjög vel. Þetta mætti sjá á myndbandsupptöku, sem til er af atburðinum.

“Ég verð greinilega að gera eitthvað í mínum málum, það er alveg augljóst,” sagði Davíð Smári. “Þetta er bara endapunktur."

Ég held að Davíð Smári hafi ekki gert nóg í sínum málum og þetta hafi því miður ekki verið endapunktur. Ég held líka að Ingvar Þór og Hallgrímur Andri séu ekki mjög heilagir menn.

Davíð Smári er bendlaður við margar líkamsárásir en eins og  aðrir þá telst hann ekki sekur nema hann hafi verið sakfelldur fyrir dómi. Það er hins vegar það sama með líkamsárásir og nauðganir, aðeins brot af þeim kemur fyrir dómara og í mörgum tilvikum þá stendur þeim sem kærir ógn af þeim ákærða. Það er raunveruleg ógn, það eru ekki mörg ár síðan ung íslensk stúlka var myrt af vitstola ofbeldismanni í tengslum við að vinkona hennar (fyrrum kærasta ofbeldismannsins) kærði nauðgun.

 Þann 10. janúar fyrir tveimur árum þá var forsíða Dagblaðsins það sem skók samfélagið því í því blaði var forsíðan með mynd af meintum nauðgara á Vestfjörðum. Maðurinn sem var á myndinni framdi sjálfsmorð.  Í kjölfarið hófst gríðarleg umræða sem beindist gegn DV og ritstjórar þess urðu að láta af störfum og minnir mig að útgáfa blaðsins hafi stöðvast um tíma. 

En á innsíðum þessa magnaða DV eintaks þá var heil síða sem fáir tóku eftir því forsíðan stuðaði svo mikið. En það var ein af  afsökunarbeiðnum Davíðs Smára, í þessu tilviki af því hann hafði  barið Sveppa. 

 En ég enda þetta blogg á ljóði sem ég fann á Netinu og er eftir Davíð Smára:

 „sælir strákar .
ég veit ekki hvað ég á að seigja
annað enn sorry
ég hef allavegana upplifað
stundarbrjálæði
eftir þetta auðvitað
sé eg eftir öllu samann
og vildi að þetta hefði ekki gerst
ég bara missti mig gersamlega,
enn eg vil lika koma því á hreint
að ég hafði það aldrei í huga
að meiða dómarann..

eg hef talað við stjórn utandeildar
og beðið hana afsökunar
sem og hitt liðið
og er ég að reina hafa upp á dómaranum
til að byðja hann afsökunar ,
enn auðvitað er þetta óafsakanlegt
enn ég reini .
allavega. þá tók ég allt þetta á mig
skiljanlega
þegar ég talaði við stjórnina
og stjórnin tjáði mér það
að liðinu sem heild yrði ekki refsað
enda væri það fáranlegt
þið eigið ekki að þurfa að líða fyrir
hvernig eg haga mér innan sem utan vallar ...
ég vona bara
að ykkur gangi sem best
í þeim 2 leikjum sem eftir eru ..
enn og aftur
sorry strákar ..“

Athugasemdir

[Jónas Jónasson, 6.1.2008 kl. 22:50]

Dómar sem falla í ofbeldismálum eru hlægilegir þeir henta mjög vel fyrir þá til að lyfta og byggja upp vövða fyrir næstu bardaga. Líkamlegt og andlegt tjón fórnalamba er alltaf að versna. Svo enda yfirleitt slagsmálin á því að árásarmaðurinn hótar fórnarlambinu áskrift á ofbeldi ef kæra er lögð fram.

Ef ég lendi í þessu einhverntímann að það sé ráðist á mig að tilefnislausu þá veit ég hve stuttan tíma tekur að verða sér út um skotvopn. (sjá kompás)

Mér liði betur dauðum eða lokaður inni í vernduðu umhverfi heldur en að eiga endalaust von á því að verða hálfdrepinn eða drepinn á næsta götuhorni! Og svo hótar þessir fárveiku vesalingar að drepa börn og fjölskyldur sem tengdar eru fórnarlömbum. Það eitt gefur manni fullt veiðileifi og rétt til að verja sjálfan sig og saklausa ættingja.

 Að lokum vil ég bæta við að ef brotist er inn á heimili manns þá er ekkert sem bannar þér að beita öllum tiltækum aðferðum til að verja þig og þína fjölskyldu.

Allavega hlytur hver maður að sjá það að ef ófbeldismenn fá ekki almennilega dóma þá finnst mér ekkert að því að allir sem óttast ofbeldi verði sér út um vopn. Ótti er ekki tilfinning sem maður getur borið lengi. Og hvað þá að vita af fjölskyldu sinni í stöðugri lífshættu.

[Jens Guð, 6.1.2008 kl. 22:53]

  Þú hefur aldeilis staðið vaktina við heimildarvinnuna.  Flott unnin færsla.

[Steini Briem (IP-tala skráð) 7.1.2008 kl. 00:59]

Samkvæmt íslenskum lögum má vörnin ekki vera miklu "stórtækari" en árásin og hér á Klakanum er ekki leyfilegt að skjóta mann sem brýst inn á heimili og er óvopnaður. Það má hins vegar í Bandaríkjunum þar sem maður skaut son sinn sem var að skríða inn um glugga á heimili þeirra, því hann hafði gleymt útidyralyklinum heima.

[Björn Pálsson (IP-tala skráð) 9.1.2008 kl. 05:55]

Ég hef oft farið inn á 69.is en ég er búinn að henda þeirri síðu út úr bookmarks hjá mér. Þessir gaurar halda að þeir séu búnir að hvítþvo sig af hrottaverkum sínum í gegnum árin en ég veit það alveg að þeir segja ekki allan sannleikann.

Bless 69.is!

Bless leikjaland.is!

kv. Bjössi