Moggabloggarasjónvarpsþáttur hjá Ólínu

Ég var fyrr í dag í upptöku á nýjum sjónvarpsþætti á sjónvarpsstöðinni ÍNN, þætti sem  Ólína Þorvarðardóttir stýrir. Fyrsti þátturinn verður að ég held sendur út á föstudaginn. Það verður víst svo hægt að horfa á þáttinn á Netinu.

Ólína fékk þrjár konur með skoðanir til sín og leitaði náttúrulega ekki langt yfir skammt heldur kallaði til nokkra valinkunna moggabloggara.  Það var ég, Marta og Jóna sem vorum í þessum fyrsta þætti. Það var mikill heiður að vera í þessum fyrsta þætti og við töluðum náttúrulega út í eitt.  Vonandi verða bloggarar tíðir gestir í þættinum hennar, það er nú oftast fólk með sterkar skoðanir og viðhorf, fólk sem hefur frá einhverju að segja.

Hér er mynd af okkur eftir upptöku þáttarins.  

 

 

 

 

 

 

 

 

 

 

 

 

 

 

 

 

Sitjandi Salvör og Ólína, standandi Marta og Jóna

Hér eru gamlar samstarfskonur Ólína og Maríanna og þær Jóna og Marta. Ólína og Maríanna unnu saman á RÚV í gamla daga undir stjórn Ingva Hrafns. Það er einmitt Ingvi Hrafn sem rekur sjónvarpsstöðina ÍNN.  Ingvi Hrafn er femínisti eins og ég.

Athugasemdir

[Sigurður Þór Guðjónsson, 17.10.2007 kl. 18:38]

Helvíti eru þið flottar saman!

[Jenný Anna Baldursdóttir, 17.10.2007 kl. 18:49]

Þið eruð sætastar

[Unnur Ríkey Helgadóttir (IP-tala skráð) 17.10.2007 kl. 19:37]

Flottar allar saman!

[Kolbrún Baldursdóttir, 17.10.2007 kl. 20:13]

Þið eruð rosa flottar
Veit svo lítið um ÍNN

[Þóra Sigurðardóttir, 17.10.2007 kl. 21:54]

Þið eruð stórglæsilegar  En hvaða sjónvarpsstöð er þetta ? Ég ætla sko að sjá þáttinn 

[Salvör Kristjana Gissurardóttir, 17.10.2007 kl. 22:30]

Takk fyrir að segja að við séum flottar og glæsilegar, mér finnst það nú reyndar líka og svo höfðum við frá mörgu að segja. Ég veit ekki mikið um þessa sjónvarpsstöð en það að hún mun verða aðgengileg á NEtinu. þá tengi ég náttúrulega í þáttinn með okkur.

Sjá hér meira:

Ný sjónvarpsdagskrá á Digital Ísland

2007-10-10
Fréttst hefur að ný íslensk sjónvarpsrás, sem ber nafnið INN, hefji göngu sína næstkomandi föstudag á stafræna dreifikerfi Digital Íslands. Sjónvarpsstjóri rásarinnar er hin kunna sjónvarpskona Maríanna Friðjónsdóttir sem segir í viðtali á visir.is að þetta verði eina íslenska sjónvarpsstöðin sem einungis verði með íslenskt efni. INN mun senda út á rás 20 á Digital Ísland alla virka daga.

[Ólína Kjerúlf Þorvarðardóttir, 17.10.2007 kl. 22:48]

Bestu þakkir fyrir samveruna í morgun Salvör - þið voruð svo flottar, allar þrjár - til orðs og æðis, eins og sagt er. Frábært að þú skyldir taka með þér myndavélina

[Jóna Á. Gísladóttir, 17.10.2007 kl. 23:31]

Ég bara verð að finna út hvaða púður þetta var sem við klesstum þarna framan í okkur. Algjört dúndur að mínu mati.

Takk fyrir samveruna í dag. Þetta var bara bráðskemmtilegt

[Katrín Snæhólm Baldursdóttir, 18.10.2007 kl. 00:20]

Vá en spennandi...ég mun gera mitt besta til að horfa á netinu á föstudaginn!!!!!

Hver er linkurinn???? Þarna á eðal eru tvær af míum bestu bloggvinkonum segi það og skrifa...Moggabloggarar eru æði!!!

[Guðrún Sæmundsdóttir, 18.10.2007 kl. 13:00]

Þetta er aldeilis frábært hjá henni Ólínu Ég er bara með sjónvarp frá Símanum svo ég verð að horfa á ykkur skvísurnar á netinu. Viltu setja slóðina inná síðuna þegar þar að kemur?

[Margrét Össurardóttir (IP-tala skráð) 18.10.2007 kl. 17:01]

Þið eruð stórglæsilegar allar fjórar, ég bíð spennt eftir að horfa á þáttinn en hann verður að vera netinu, er enn að þrjóskast við gamla myndlykilinn.

[Marta B Helgadóttir, 18.10.2007 kl. 20:16]

Takk fyrir samveruna Salvör, það var gaman að hitta þig. Sammála Jónu með púðrið, þurfum að komast að þessu sko

[Magnús Paul Korntop, 19.10.2007 kl. 17:45]

Ætla sko að horfa á þennann þátt,þið eruð allar gullfallegar.

[Andrea J. Ólafsdóttir, 20.10.2007 kl. 12:02]

Hlakka til að sjá þetta.

Já þið hafið eflaust haft mikið að segja og skemmtilegt.

Geturðu sett inn link á þessa stöð og þátt?

[Salvör Kristjana Gissurardóttir, 22.10.2007 kl. 19:18]

Ég held að þátturinn hafi ekki verið sendur út á föstudaginn eins og til stóð. Það væru einhver tæknivandamál.Vonandi verður hann sendur út að viku liðinni. Þá á hann eftir því sem mér skilst að vera aðgengilegur á visir.is

[Maríanna Friðjónsdóttir (IP-tala skráð) 23.10.2007 kl. 17:48]

Sælar stöllur og takk fyrir frábæra heimsókn. Það var gaman að sjá hvað þið voruð málefnalegar, fallegar og bara yndislegar. Og þátturinn á fullt erindi til þeirra sem vilja horfa. Hann verður sendur út á föstudaginn kemur, þann 26. október kl. 21.00. Ég vil enn og aftur biðja ykkur og áhorfendur velvirðingar á því að við hér hjá litlu, íslensku sjónvarpsstöðinni, höfum átt í erfiðleikum með útsendingarmerkið. Nú segja Digital íslands menn að það sé orðið ásættanlegt um land allt...en eins og er hafa 90% heimila möguleika á því að stilla inn á ÍNN á rás 20 á myndlyklinum. Við sendum út alíslenska dagskrá mánudaga til föstudaga kl. 20-22.

Bestu kveðjur frá ÍNN

Maríanna Friðjónsdóttir