Bloggarar helsta fréttalindin í átökunum í Búrma

Fréttavaktir Vesturlanda reyna að flytja okkur fréttir af því sem er að gerast í Búrma en erfitt er að fá fréttir. Þær koma helst frá bloggurum í landinu og bloggurum staðsettum í Bretlandi sem fá sendar myndir heiman frá gegnum Internetsendingar, oft eru fréttamyndirnar teknar af sjónarvottum á GSM síma. BBC er með grein um þetta  (http://news.bbc.co.uk/2/hi/asia-pacific/7012984.stm ) og ég hlustaði á fréttaskýranda á BBC bera þetta saman við þegar herstjórnin kom til valda á sínum tíma, þá var jafnalvarlegt ástand en heimsbyggðin gat ekki fylgst með, ekkert Internet og ekkert blogg.

Búrma er á botninum varðandi tjáningarfrelsi, er númer 164 af 168 skv. Reporters without borders. það eru bara 0,56 % af fólki sem hefur Internettengningu og öll Internetþjónusta er ríkisrekin og ritskoðuð. Ég hugsa að þessir sem blogga sendi bloggin eitthvað í nágrannaríkin.

Ko Htike's blog

Cyber-dissidents' handbook

 

 

Mótmælendur særðust í átökum í Yangon

Athugasemdir

[Guðrún S Hilmisdóttir, 27.9.2007 kl. 09:54]

Kíkti áKo Htike´s blog og efst var færsla en síðan bara spurningmerki ????? Kannski er þá búið að ritskoða bloggið?? Það var ekki skemmtileg lesning það sem hægt var að lesa - ástandið þarna virðist hræðilegt -

[Salvör Kristjana Gissurardóttir, 27.9.2007 kl. 10:41]

Ég held að það sé reyndar frekar þannig að  Htike bloggið er skrifað að miklu leyti á máli heimamanna (búrmanska?) og það er stafasett sem við erum ekki með upp sett hjá okkur. 

Sumar bloggfærslurnar eru skrifaðar á ensku og þær getum við lesið. Einmitt núna var ég að lesa einhverja samsæriskenningu um að stjórnvöld í Búrma borguðu mönnum fyrir að klæða sig í rauða kufla og þykjast vera munkar og ráðast inn í moskur múslíma. Þannig ætli stjórnvöld að reyna að láta þetta líta út eins og átök milli trúarhópa en allir vita þó að þetta eru átök milli tveggja sterkustu aflanna í Búrma - hersins sem situr við völd og trúarleiðtoga búddatrúarþ