Fjórtán einkenni á fasisma

Deyr hann eða lifir hann? Ef hann deyr, á hvaða blaðsíðu í bók bókanna verður það? Sem betur fer er auðvelt að finna svarið á Netinu fyrir okkur sem ekki nennum að lesa bókina spjalda á milli, ég fann það hérna  (SPOILER aðvörun, ekki smella á tengilinn ef þú vilt ekki vita hvernig sagan fór!!!)

Barátta góðs og ills fer víðar fram en í galdraveröld Harry Potters. En hvernig getum við borið kennsl á illskuna sem kraumar í umhverfi okkar, illsku sem lætur heilar þjóðir missa stjórnina í heldur  illmenna sem vinna voðaverk. Hér er góð grein Fourteen Defining Characteristics Of Fascism sem lýsir hvaða fjórtán einkennum við getum  leitað eftir:

1. vaxandi þjóðernishyggja
2. lítil virðing fyrir mannréttindum
3. bent á óvininn/sökudólginn
4. áhersla á her
5. kynjamisrétti
6. ritskoðun fjölmiðla
7. ofuráhersla á þjóðaröryggi
8. trú og ríkisstjórn samtvinnuð
9. völd stórfyrirtækja vernduð af ríkisstjórn
10. verklýðshreyfingin máttvana
11. fyrirlitning og lítilsvirðing á menntamönnum og listamönnum
12. áhersla á glæpi og refsingar
13. valdaklíkur og spilling
14. kosningasvik
    

Það er áhugavert að nota þetta greiningartæki á þau ríki sem núna eru valdamest t.d. skoða þróunina í Bandaríkjunum undanfarin ár.

 

Athugasemdir

[Halla Rut , 21.7.2007 kl. 17:58]

Ef maður fer yfir þennan lista finnur maður að sumt á vel við hér á landi sem og í Bandaríkjunum. Held þó að Skúli hafi rétt fyrir sér að listinn eigi mest við Mið-austurlönd. Það er orðið mikið hatur á Bandaríkjunum sem virðist vera vaxandi án þess þó að mikið hafi í raun breyst þar í áratugi. Munum að láta ekki eina ákvörðun og eitt mál þótt stórt sé dæma allt landið og allt fólkið sem landið byggir. Er það ekki Fasismi?

[Soffía (IP-tala skráð) 21.7.2007 kl. 17:58]

Athyglisvert

[Baldur Kristjánsson, 21.7.2007 kl. 18:35]

Athyglisverð greining.  Takk. kv.  B

[María Kristjánsdóttir, 22.7.2007 kl. 00:14]

Þakka þér fyrir þessa þörfu og góðu ábendingu. Líka fyrir bloggið vindur,vindur vinur minn.

[Vilhjálmur Örn Vilhjálmsson, 27.7.2007 kl. 13:06]

Blindni einfeldninga 

Það mætti bæta við 15. einkenninu. Það er blindni. Það er þegar menn sjá ekki augljósa hluti og finna sjúkdómseinkenni fasisma í Bandaríkjunum, á Íslandi eða í Ísrael. Það er blindni einfeldninga í ríkjum, þar sem fasismi er lítið vandamál. Blindni þeirra getur oft orðið eitt sterkasta vopn fasistaríkja og -afla.