Salvör Sól skírð - vídeó

Hér er myndskeið frá skírninni á jónsmessu í stofunni á Hanhóli í Syðridal við Bolungarvík.

Salvör Sól gefur að ég held ekkert mikið fyrir veislur. Hún var fyrir sunnan í síðustu viku og ég passaði hana meðan mamma hennar var á fundi. Daginn eftir skírnina þá kom hjúkrunarkonan heim á Hanhól til að vigta og mæla og fylgjast með hvernig Salvör Sól dafnar. Hún spurði þá litlu hvernig henni fannst í skírnarveislunni og Salvör Sól svaraði því á sinn hátt. Ég tók myndskeið af því samtali, það er hérna:

Ég setti lengra vídeó (3 mín.) af skírninni inn á Youtube. Ég tók þessi vídeóklipp á litlu stafrænu myndavélina mína en Arnar tók upp skírnina á vídeóvél en mér tókst ekki að koma því inn á tölvuna mína því ég er ekki með firewire tengi.  Skírnin var hátíðleg stund og til gamans má geta þess að það voru í skírninni á Hanhóli fólk af mörgum trúarbrögðum, það var fjölskylda sem er ásatrúar og það var fjölskylda sem er kaþólsk.

Athugasemdir

[Guðrún Sigurbjörnsdóttir (IP-tala skráð) 4.7.2007 kl. 18:59]

Hæ, hæ og takk fyrir síðast.Hló mikið af þessum myndbrotum. Söngurinn í fyrra myndbandinu er á heimsmælikvarða og Magnea mín algjört krútt með systur sína. En í seinna brotinu er auðvelt að ímynda sér að nafna þín, hafi borðað yfir sig í veislunni. Kv. Gunna 

[Salvör Kristjana Gissurardóttir, 5.7.2007 kl. 14:01]

Hæ Guðrún, gaman að heyra frá þér. Ég er búin að hugsa mikið um frásögn þína af hvernig Lára bernskuvinkona þín vitjaði nafns í draumi.

[Guðrún Sigurbjörnsdóttir (IP-tala skráð) 5.7.2007 kl. 23:52]

Sæl aftur.  Ég er ekki hissa á að þú sért hugsi yfir þessum draumum. Ég hef líka spáð mikið í þá og fundist þeir mjög merkilegir. Ég hef alltaf frá því að ég var krakki verið mjög berdreymin og það er ótrúlegt hvað ratar til mín í draumi, stundum fullmikið finnst mér. 

K v. Gunna.