Trump aldrei vinsælli

Trump er vinsæll sem aldrei fyrr.

Það kemur nokkuð á óvart því margt sem hann hefur tjáð sig um kórónuveikina ber vott um vanþekkingu og er kolrangt. En hann kann þá list sem virkar í fjölmiðlaumhverfi nútímans, hann kann að segja fólki það sem það vill heyra og hann virðist sannfæra sitt fólk um að þetta sér bara eitthvað veirukusk, útlensk veira sem hinir fræknu Bandaríki hristi af sér hraðara en hönd á festi. Og hann hagræðir sannleikanum og lýgur út í eitt og býr til nýjar sögur í hverri viku, á hverjum degi.

En fólki (lesist kjósendum Trumps) virðist líka þetta.

Ef til vill vegna þess að það fylgist ekki með fréttum og orðræðu forseta síns og metur ekki vísindi mikils. Ef til vill vegna þess að það fylgist eingöngu með fjölmiðlum eins og Foxnews.

Ef til vill vegna þess að það vill trúa því að allt sé á góðri leið og leiðtogi þeirra hafi yfirsýn "we have it totally under control" og sjái ljósið við endann á göngunum.

Ef til vill vegna þess að það áttar sig ekki á að það er grafið undir þungu hlassi og það eru engin göng.

President Trump is as popular as he has ever been right now

Athugasemdir

[Ragna Birgisdóttir, 26.3.2020 kl. 14:20]

Ekkert öðruvísi en á Íslandi þar sem falskir stjórnmálamenn ljúga ítrekað að þjóðinni, vitandi að hjörðin sem tilheyrir þeim stekkur á vagninn.Þetta kallast forheimska.

[Þorsteinn Siglaugsson, 26.3.2020 kl. 22:45]

Maður þarf að passa sig vel á fréttaflutningi um Trump. Þannig fór það til dæmis eins og eldur í sinu um vinstrimiðlana að það væri honum að kenna að einhver hálfviti hefði tekið inn klórpillur og drepist af því auðvitað. Lyfið sem Trump mælti með er nú einmitt hluti af lyfjablöndunni sem notuð er á kórónusjúklinga hérlendis.

[Salvör Kristjana Gissurardóttir, 27.3.2020 kl. 12:16]

Það eru nú frekar ábyggilegar upplýsingar upptökur upptökur af Trump sjálfum að tala, upptökur sem birtar eru á stærstu fréttamiðlum USA eins og CNN og allt sem Trump segir eru hægt að fá niðurskrifað á vefnum whitehouse.gov  sem er vefur forsetaembættis Bandaríkjanna. Ég byggi orðræðu mína um Trump á þessum gögnum. Gögnum sem hann sjálfur kýs að birta fólki.