Myndbrot frá baráttusamkomu

Hér er vídeóklipp frá baráttusamkomu Bríetar 8. mars. Ég kom ekki fyrr en ræðurnar voru búnar þannig að það er bara skemmtiatriðin. Ein aðalskemmtunin er náttúrulega að gera grín að bloggurum sem reyna að tala niður femínista.  Í þessu myndbroti sem er 7. mín. að lengd þá er fyrst trúbatorinn Ólöf og svo troða upp tvær karlkyns ráðskonur Femínistafélagsins með reynslusögur úr baráttunni og svo er ljóðaupplestur og fjöldasöngur. Myndin er nú mjög óskýr en hljóðið er í lagi. Litla digital vélin mín er ekki sérlega ljósnæm og svo varð ég að klippa þetta til í camtasia sem gerði myndina svona óskýra. Það er pirrandi að geta ekki klippt til vídeóið beint á vefnum. Ég held reyndar að bráðum muni Adobe bjóða upp á svoleiðis þjónustu og þá væntanlega í gegnum Photobucket.com sb. þessa fréttatilkynningu frá þeim í febrúar: "Today, Adobe and Photobucket announced a partnership to integrate Adobe web-based video remix and editing technology directly into the Photobucket user experience, giving 35 million Photobucket users direct, free access to world-class digital video editing tools."

Set hérna líka inn tilraun með sama vídeó á jumpcut.com

Athugasemdir

[Edda Agnarsdóttir, 11.3.2007 kl. 10:29]

Takk fyrir þessi myndmönd. Það var gaman að hlusta á þau og merkja stemmninguna.

[Jón Bragi (IP-tala skráð) 14.3.2007 kl. 21:10]

Hvers konar fréttamat er þetta hjá þér Salvör?

Á þessu videoi talar karlmaður svo til allan tíman. Það litla sem kvenraddirnar hafa fram að færa er meira en þrjátíu ára gömul lög sem allir hafa heyrt fyrir löngu.

Hvað hefðirðu sagt um svon "kynjaskekkju" hjá fjölmiðlum?

[Salvör Kristjana Gissurardóttir, 15.3.2007 kl. 16:31]

ég spáði nú í það Jón Bragi, gott að þú tókst eftir þessu

en eins og ég segi í blogginu þá mætti ég ekki á svæðið fyrr en ræðurnar voru búnar. Ég missti því af Sóleyju og  Margréti Sverris. En það eru ekki bara gömul lög, það voru frumflutt lög og ljóðaupplestur sem heyrist á þessu myndbandsbroti. 

[Jón Bragi (IP-tala skráð) 15.3.2007 kl. 17:19]

Ég bakka ekki með það að að það eina sem kemur nýtt frá konu á þessu myndbandi er ljóðalestur sem tekur ca 15 sekúndur. Þessi tvö lög sem heyrast í byrjun og lok bandsins voru bæði frumflutt á áttunda áratugnum. Fyrra lagið er alla vega (og ég held það síðara líka) úr Saumastofunni eftir Kjartan Ragnarsson, sem frumflutt var 1975.Myndbandið er um 7 mínútur og tæplega helming af því hefur þessi karlmaður orðið, í 15 sekúndur flytur kona ljóð og restin er tvö þrjátíu ára gömul lög með þrjátíu ára gömlum textum þar sem að minnsta kosti annað lagið og textinn er eftir karlmann.

(Sýnist þér ég ekki eiga framtíðina fyrir mér sem fjölmiðlakyngreinir við HÍ?)

[Salvör Kristjana Gissurardóttir, 15.3.2007 kl. 19:59]

jú, ég  dáist að rannsóknarbloggmennsku þinni. Þú slærð mig út þar. Líka í svona talningum og tímamælingum