Facebook aðgangi mínum lokað

 Ég hef ásamt fjölda fólks staðið að undirbúningi að samstöðumótmælum 15. október á Lækjartorgi. Það kom í minn hlut að búa til facebook viðburð, kvaðningu til fólks að skrá sig og ég hef reynt að skrifa inn á vegg þar ýmislegt sem varðar viðburð okkar á Lækjartorgi og alheimsmótmælin ásamt því að setja upp vefsíðu fyrir Occupy Reykjavík.

Það hafa yfir 400 manns þegar skráð að þau muni mæta og mörg hundruð segjast kannski ætla að mæta. Seinast í morgun þá setti ég inn tengill þar í lítið myndband sem ég tók í gærkvöldi þegar fólk var að búa sig undir morgundaginn, mála skilti til að andæfa heimskapítalismanum og flauta til leiks og prófa tæknibúnað. Hér er það vídeóbrot:

 

 Svo ætlaði ég að setja inn nokkrar myndir af undirbúningnum en þá brá svo við að búið var að loka facebookaðgangi mínum. Ég kemst því ekki á facebook og  bregð því á að skrifa hér á moggabloggið  til að koma á framfæri því sem ég vildi setja á vegg viðburðarins í morgum og hvetja fólk til að mæta á alþjóðlegu samstöðumótmælin á Lækjartorgi kl. 15.

 Hér  fyrir neðan eru nokkrar myndir af undirbúningi okkar. Fleiri myndir má sjá á

http://www.flickr.com/photos/salvor/sets/72157627773365007/with/6245682035/

Ég vil líka benda á  http://soundcloud.com/tokumtorgin  en þar setti ég inn nokkur viðtöl í útvarpi við þá sem hafa undirbúið mótmælin 15. október. Einnig vil ég benda á að við erum með twitter tokumtorgin (sjá hérna http://twitter.com/#!/tokumtorgin ) og vefsíðuna http://www.esjan.net/reykjavik/   

einnig verður vonandi hægt að senda út hvað er að gerast á Lækjartorgi á livestream. Slóðin þar er  

 

Ég ætla hér ekki að vera með neinar getgátur um hvernig stendur á því að facebook aðgangi mínum er lokað einmitt núna en læt fylgja með skjámyndir af viðmóti mínu við facebook:

 

 

 

 

 

 

 

 

 

 

 

 

 

 

 

 

 

 

 

 

Mismunun víða mótmælt

Athugasemdir

[Guðmundur Ásgeirsson, 15.10.2011 kl. 12:46]

Einkennilegt. En sem betur fer hafa upplýsingar um viðburðinn komist víða á framfæri engu að síður.

[Aðalsteinn Agnarsson, 15.10.2011 kl. 13:09]

Búum til skilti, frjálsar handfæraveiðar,

Fátæk þjóð á handfæraveiðar,

Fátækt fólk á handfæraveiðar.

Afléttum oki líú og bankanna, krefjumst frjálsra smábátaveiða

sem leysa byggða, fátæktar og atvinnuvanda Íslendinga.

[Ásthildur Cesil Þórðardóttir, 15.10.2011 kl. 13:50]

Þetta er ótrúlegt Salvör, þú verður að fá viðhlítandi skýringar á þessu.  Þetta er alvarlegt mál ef aðgangnum hefur verið lokað vísvitandi vegna mótmælanna.

[Rauða Ljónið, 15.10.2011 kl. 13:51]

Mér þykir leitt að það hafi veri lokað á þig sé enga ástæðu liggja þar á bakvið hissa.

Kv. Sigurjón Vigfússon.

[Sæmundur Bjarnason, 15.10.2011 kl. 23:53]

Finnst þetta "síðasta sort" eins og Einar smiður var vanur að segja. Vona (og veit reyndar) að þú leitir að skýringu á þessu máli sem fyrst. Tilviljun, eða eitthvað annað en virðist við fyrstu sýn, er auðvitað möguleiki. Vil gjarnan fylgjast með þessu og vona að þú setjir upplýsingar þar um hér á Moggabloggið.

[Ásthildur Cesil Þórðardóttir, 16.10.2011 kl. 00:00]

Tek undir það með Sæmundi að þú upplýsir okkur um hvernig málum er háttað.

[Jón Steinar Ragnarsson, 16.10.2011 kl. 00:24]

Aðgangi þínum er ekki lokað nema að inhver hafi kært þig eða meldað. Það er stundum gert ef fólk er meldað fyrir höfundarréttarbrot eða klámfengið efni t.d.

Þú átt rétt á að vita hver það er sem hefur meldað þig og fengið síðunni lokað. Sendu administrasjóninni línu. Þeir loka átomatískt við svona klögumál en opna aftur ef grunnur kærunnar er enginn. Ef svo er, þá á viðkomandi skemmdarvargi að vera úthýst í staðinn.

Endilega láttu okkur vita hver þetta er, þegar þú hefur komist að því.

[Jón Steinar Ragnarsson, 16.10.2011 kl. 00:29]

Bara svo þú vitir það, þá er aðal tölvuver (data center) Facebook í North Carolina, svo ef einhver hefur laumast inn á reikninginn þinn, þá eru það þeir sjálfir. Ótrúlegt rugl.