Skírn á Jónsmessu

Litla frænka mín var skírð heima hjá sér á Hanhóli í Syðridal í Bolungarvík á Jónsmessu 2007. Hún heitir hér eftir ekki litla frænka heldur Salvör Sól. Ég var skírnarvottur og Magnea Gná systir hennar hélt henni undir skírn. Séra Agnes prestur Bolvíkinga skírði og Ásta Björg spilaði á píanó. Þetta var hátíðleg stund og það þarf náttúrulega ekki að taka fram að ég er ákaflega ánægð með nafnið. Hún er núna fimm vikna gömul og fimm kíló.

Hér er mynd af henni með elstu systur sinni Ástu Björgu

Hér eru líka nokkrar myndir af henni mánudaginn eftir skírnina. 

Fleiri nýjar myndir af Salvöru Sól má sjá í myndasyrpu frá skírnardeginum og deginum eftir.
 

Athugasemdir

[Ásthildur Cesil Þórðardóttir, 26.6.2007 kl. 15:55]

Flottar báðar. Innilega til hamingju með nafnið Salvör mín.  Salvör Sól er fallegt nafn á þessa knálegu hnátu.   Gott er hún er ekki bara lík þér. 

[www.zordis.com, 26.6.2007 kl. 18:54]

Yndisleg stúlkan og nafnid er virkilega fagurt!  Til hamingju med litla gullmolann og nafnid hennar.

[Ylfa Mist Helgadóttir, 26.6.2007 kl. 19:34]

Salvor er akaflega fallegt nafn! Til hamingju med nofnuna!!

[Fjóla Þorvaldsdóttir (IP-tala skráð) 26.6.2007 kl. 21:09]

Sæl Salvör.

Til hamingju með litlu nöfnu þína. Svei mér ef hún er ekki bara lík frænku sinni og guðmóður.

Kveðja,

Fjóla

[Ólína Kjerúlf Þorvarðardóttir, 26.6.2007 kl. 21:10]

Salvör Sól er fagurt nafn - til hamingju með nöfnu þína!

En er það sem mér sýnist að hún líkist Hannesi móðurbróður sínum? Það er svosem sanngjarnt að hann fái eitthvað fyrir frændsemissakir líka

[Anna Ólafsdóttir (anno) (IP-tala skráð) 26.6.2007 kl. 21:15]

Ofboðslega fékk þess fallega hnáta fallegt nafn; Salvör Sól - nöfnin eru eins og sniðin hvort fyrir hitt.

[Edda Agnarsdóttir, 27.6.2007 kl. 13:37]

Til hamingju með nöfnuna - flott nafn og falleg stúlka.

[Salvör Kristjana Gissurardóttir, 27.6.2007 kl. 15:29]

Takk fyrir hamingjuóskirnar. Ég held  að Salvör Sól sé ansi lík mér og minni ætt, kannski er það nú samt óskhyggja

En það er alltaf gaman að fylgjast með þroska svona lítillar manneskju og hugleiða hvað hún er að spá og hugsa, ég held að við eigum ekki að vanmeta manneskjur þó þær séu litlar og ósjálfbjarga og geti ekki tjáð sig ennþá nema með gráti og svipbrigðum. 

[Ásthildur Cesil Þórðardóttir, 27.6.2007 kl. 15:49]

Nákvæmlega alveg hárrétt.  Þessar litlu manneskjur hafa vilja og geta tjáð sig um hann.  Og okkur ber að hlusta.  Þau eru ótrúlega nösk og dugleg, sérstaklega ef þau fá næga athygli á það sem þau eru að reyna að koma fram með.