Nornin og góði hirðirinn

kryddsild-modir-sonur

Skemmdarverkin á Nornabúðinni stafa líklega frekar af því að einhverjum líkar ekki sú tegund af aktívisma sem nornin Eva stundar heldur en af því að einhver óánægður viðskiptavinur hefur ekki náð nógu góðum árangri með kreppukörlunum. Þetta er mjög óþægilegt og þrúgandi og Eva á samúð mína alla.

Þeir aðilar sem Eva hefur beint aðgerðum að eiga mjög mikið undir sér á Íslandi og hafa sýnt að þeir eru mjög ófyrirleitnir og samviskulausir í viðskiptum, þeir hafa ekki hikað við að hrifsa til sín almannaeigur á Íslandi, stundum hafa þeir gert það í skálkaskjóli bankaleyndar og bankaeigenda ítaka en stundum hafa þeir gert þar grímulaust og fyrir opnum tjöldum og látið eins  og þeir séu dýrlingar í  helgileik og gripdeildir þeirra séu einhvers konar hirðusemi sem við almenningur eigum að dásama og verðlauna. Og athæfi  þeirra hefur verið blessað af veraldlegum og geistlegum yfirvöldum.

godi-hirdirinn

Einn af þeim æðstuprestum sem bjó til réttlætingu  þegar skúrkar hirtu verðmæti af alþýðu og sölsuðu undir sig almenningseign var Pétur Blöndal alþingismaður en hann hefur enmitt árum saman klifað á því svo oft að sennilega trúir hann því sjálfur að almannafé sem einhvers staðar hefur safnast fyrir sé "fé án hirðis".  Líkingin er augljós - einhvers konar réttlæting fyrir fjárglæpamenn að þegar þeir hrifsa til sín verðmæti þá séu þeir eins og góði hirðirinn. Já að gera einhvers konar góðverk, að finna týndu sauðina. Og éta þá síðan sjálfir. Það kallast að skapa verðmæti.


mbl.is Ráðist gegn Nornabúðinni
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jóna Kolbrún Garðarsdóttir

Þetta er ótrúleg þróun, að fremja skemmdarverk á eigum hennar Evu. 

Jóna Kolbrún Garðarsdóttir, 3.1.2009 kl. 00:53

2 Smámynd: Svanur Gísli Þorkelsson

Satt að segja finnst mér þessi þróun ekkert "ótrúleg" Jóna. Eva er ekki svo græn að hún hafi ekki vitað að svona gæti hæglega farið. Ég er líka handviss um að hennar áhyggjur eru tengdar öðrum sem í húsinu búa en ekki henni sjálfri eða eigin eignum. -

Ef að ástandið á Íslandi heldur áfram að þróast í þá átt sem líklegast er, muntu sjá á næstu dögum stríðandi fylkingar, jafnvel fleiri en tvær eða þrjár, sem munu beita hinum hefðbundnu aðferðum pólitískara aðgerðarhópa. - Hluti þeirra er að vekja ógn.

Þeir sem eru grandalausir fyrir slíku ástandi eða halda að þetta muni halda áfram með einhverjum ræðustúfum á torgum skynja ekki eðli þeirrar ólgu sem í þjóðfélaginu er.

Svanur Gísli Þorkelsson, 3.1.2009 kl. 02:00

3 identicon

Þetta er verulega ómaklegt og lúalegt að ráðast að vinnustað og heimili fólks. Eva hefur ekki gert neitt af sér til að eiga þetta skilið.

sandkassi (IP-tala skráð) 3.1.2009 kl. 02:47

4 identicon

Tími Nazismans kominn, hverjir aðrir en hægri sinnað fólk á vegum Aðalsins standi að þessum árásum á Nornabúðina eða Evu mótmælanda, það er alveg á hreinu að það eru ekki þessir mótmælendur sem að þessu stóðu, heldur er að koma upp atvinnugerendur fyrir stóreignarfólk að aðals línuna í landinu... ef maður skoða þetta nánar við rannsókn kemur í ljós að númer bílsins sökudólganna náðist en lögreglan gerir ekkert í málinu , hver vegna er það ekki skiljanlegt hver ræður ríkjum yfir lögreglunni, þarna er komin keimur að eins og var með Nazismann í þýskalandi fyrir seinni heimstyrjöldina, nú eru komnir atvinnumótmælendur á vegum Ríkis og Aðalinn......

Tryggvi (IP-tala skráð) 3.1.2009 kl. 07:49

5 Smámynd: Konráð Ragnarsson

Gunnar í Krossinum, ekki spurning!

Konráð Ragnarsson, 3.1.2009 kl. 10:07

6 identicon

Ég hef enga trú á að það séu atvinnumenn á vegum stóreignafólks sem stóðu að þessu. Þetta voru bara vitleysingar á hallærislegum bíl, nógu miklir bjánar til að nota sama bílinn og sömu verkfærin 2 nætur í röð, vinna verkið beint fyrir framan nefið á manni sem fylgdist vel með út um gluggann og fara upp í bílinn beint fyrir framan myndavél. Ég held satt að segja að útsendarar stóreignafólks hefðu staðið fagmannlegar að verki.

Eva Hauksdóttir (IP-tala skráð) 3.1.2009 kl. 18:42

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband