Íslenski jólasveinninn og fararskjóti hans

Yfir 70% af þeim leikföngum sem framleidd eru í heiminum í dag koma frá Kína. Mörg börn á Vesturlöndum trúa því að jólasveinninn komi með gjafir til þeirra á jóladag akandi um loftin blá á sleða sem hreindýr draga. Þessar gjafir hafa önnum kafnir jólaálfar  framleitt fyrir öll börnin á Vesturlöndum. 

Hér eru myndir úr  leikfangaverkstæðum í Kína  til þar sem leikföngin fyrir börn á Vesturlöndum eru búin til. Svona líta álfarnir út sem framleiða leikföngin. Maður getur samt ekki annað en hugsað hvort það sé alltaf gaman að vera svona álfur á jólasveinaverkstæði, alla vega virðast þeir svolítið þreyttir á öllu puðinu á þessari mynd, þarna hafa þeir lagt sig undir framleiðsluborðinu.

Hvað skyldu álfar jólasveinsins hafa í tímakaup?

Margir halda að jólasveinninn noti ennþá svona gamaldags farartæki eins og hreindýrasleða. Sem betur fer þá erum við upplýst í þessari frétt um hvernig jólasveinninn þeysist milli landa. Hann gerir það með öðrum í þotuliðinu í boði Glitnis. 

 

Að öllu gamni slepptu þá vil ég segja að mér finnst mjög óeðlilegt að forseti Íslands sé ferjaður á milli landa af stórfyrirtækjum og almennt að forsetaembættið eða önnur opinber embætti á Íslandi séu háð góðmennsku einkafyrirtækja um skutl milli staða. Mér finnst dáldið nöturlegt að forsetinn sem á sínum sokkabandsárum þeyttist um Ísland  uppfullur af hugsjónaanda og flutti töluna  "Hver á Ísland?" í hverju krummaskuði og talaði um fjölskyldurnar fjórtán eða hvað þær voru margar - hafi þegar hann sjálfur kemst í embætti ekki þá dómgreind til að bera að slá ekki hversu óviðeigandi þessi ferðamáti er.

 

 

 

 

 

Ólafur Ragnar flaug til Kína í boði Glitnis

Athugasemdir

[Bjössi (IP-tala skráð) 6.10.2007 kl. 20:37]

 

Já, allveg endilega. Forseti líðveldisinns Íslands er góður á puttaferðalögum með gróðapungum íslands.

Það er ábyggilega fáheyrt að þjóðhöfðingjar leggist svo lágt að vera uppá aðrakominn með ferðalög. En örugglega gott fyrir Glitni að eiga nú inni greiða hjá "forsetanum"

Kveðja úr austurvegi.