Bleikur Barbieheimur fyrir stelpur

Eitt best sótt vefsvæði í heiminum í dag er Barbie vefur fyrir stelpur, slóðin er barbiegirls.com

Þetta er ekki vefur sem höfðar til femínista. Ég prófaði hann í gær og hér er skjámynd af því þegar ég dundaði mér við að naglalakka mig í netheimum.

Það sem hægt var að gera í þessum netheimi var að búa til persónu með að ákveða útlit hennar og föt og spila ýmsa leiki svona eins og þennan naglalakksleik og innrétta herbergið sitt með dóti og svo var þarna eitthvað félagsnet, svona eins og barnaútgáfa af Second Life. Þetta er svona vefur til að ala upp neytendur stafrænna hluta, neytendur sem eru tilbúnir til að kaupa hatta og tónlist fyrir vélverudúkkulísuna sína.

Techcrunch skrifar um barbievefinn í gær þennan bloggpistil: Could Barbie Girls Become The Largest Virtual World?

Hér er svo myndband með söng Barbiestúlkunnar sem hefur verið alin upp til að vera leikfang karla í Barbieheimi.

Athugasemdir

[Sylvía , 17.7.2007 kl. 13:58]

tad tarf meira jafnvaegi fyrir stelpur, og eflaust straka lika, stelpum vantar upp til hopa heilbrigda sjalfsmynd.

[Nanna Katrín Kristjánsdóttir, 17.7.2007 kl. 15:48]

Mér finnst barbie kynnslóðin bara vera standa sig ágetlega.  Konur hafa aldrei haft eins mikið val í dag, eru fleirri en karlar í háskólum og bara eru sjálfstæðar og geta allt.  Allt konur sem léku sé með barbie

[Kristján (IP-tala skráð) 17.7.2007 kl. 16:19]

Ég sé að þinn "femíniski" heimur nær ekki til bleiks Barbieheims, þó er bleikur "femínskur" litur. Ágætt í sjálfu sér að hafa skoðanir akkúrat á þessu en að byrja á>>  "Eitt best sótt vefsvæði í heiminum í dag er Barbie vefur fyrir stelpur", << common, hver sækir þennan vef heim sem gerir hann að einu best sótta vefsvæði í heimi humm.. og svo að loka með "Hér er svo myndband með söng Barbiestúlkunnar sem hefur verið alin upp til að vera leikfang karla í Barbieheimi" aftur er hægt að segja common og bæta við hvert er vandamálið hjá þér Salvör  svona persónulega, því ég get ekki trúað að þú sért að tala fyrir femínskum gildum.

[halkatla, 17.7.2007 kl. 16:29]

hólí fokk þetta er ekki fyrir mig! en það er bara ég, og ég nenni ekki að afsaka það neitt fyrir köllum einsog Kristjáni... 

reyndar lék ég mér samt með barbie á tímabili, þegar ég var orðin of gömul fyrir það ca 10-11 ára, en við létum barbiedúkkurnar alltaf vera lögfræðinga og einkaspæjara. Og þær voru sífellt að innrétta hús, það var nú skemmtilegast við þetta. Og við saumuðum á þær kjóla og ýmislegt fleira.

[halkatla, 17.7.2007 kl. 16:30]

reyndar finnst mér miklu meira látið með stelpur núna, semsagt reynt að stjórna þeim, heldur en var þegar ég var að alast upp... það er sú tilfinning sem ég fæ, call me crasy

[Steini Briem (IP-tala skráð) 17.7.2007 kl. 16:41]

Ég get ekki séð að fólk geti kvartað eftir að brúskurinn kom á Barbie.

[Ylfa Mist Helgadóttir, 17.7.2007 kl. 16:53]

Fínn pistill Salvör. Hitti systur þína í gær. Hún kom í kaffi til mín. Var bara í góðu stuði og alltaf svo flott klædd og vel tilhöfð :o)

[sigurður (IP-tala skráð) 19.7.2007 kl. 15:24]

Ekki svo slæmur pistill en þó vil ég benda pistlahöfundi á að lagið Barbie með Aqua er ekki gefið út af framleiðendum Barbei heldur af hljómsveitinni Aqua sem er að að mestu leiti Dönsk en söngkonan er Sænsk.

Þetta lag er gefið út sem ádeila á barbie og hennar veröld nákvæmlega eins og þú ert að ádeila. útgáfa þessa lags kostaði mikil málaferli af hálfu framleiðendum barbie við hljómsveitina aqua.

Finnst mér eins og þú sért að bendla þetta lag við framleiðendurnar og ert þarmeð að snúa ádeilu uppí andhverfu sína og einnig að lísa fávisku þinni á málefninu sem gerir þig algjörlega ómarktæka sem gagnrínanda.