Áfram Ögmundur og Össur, áfram kaffi og kleinur hjá Jóhönnu og Steingrími!

Ég er nokkuð ánægð með ríkisstjórnina svona í lok helgar.

Þau eru kannski ekki eins miklar gufur og ég var farin að halda. Mér finnst flott að þau komi sér upp verkaskiptingu, Ögmundur herji á Alþjóðagjaldeyrissjóðinn og hans stefnu, Össur taki fyrir Gordon Brown (bara engin næturblogg, það gæti spillt fyrir) og hans erindreka og hefji slaginn í breska sendiráðinu hérna. Svo er nú allt í áttina að Jóhanna og Steingrímur tala við skrílinn. Ég kann vel við svona kaffi og kleinur viðhorf hjá stjórnvöldum, ég kann vel við stjórnvöld sem átta sig á því að fólkið í landinu er ekki helstu andstæðingarnir.

Heimslögregla kapítalismans

Athugasemdir

[Kolla (IP-tala skráð) 8.5.2009 kl. 15:08]

Ég er ánægð með þetta fólk við stjórnvölinn, hefði ekki viljað sitja uppi með kúlulánaþega í ráðherrastólum. Ég treysti þeim til að vinna okkur út úr þessu eins vel og hægt verður.

[Finnur Bárðarson, 8.5.2009 kl. 15:17]

Það smá upprópunarstíll hjá þeim. Auðvitað gengur þetta í fólk um þessar mundir, segja upp AGS samningi og hóta stjórnarslitum, eða nánast, fellur vel í kramið... um stundarsakir.