Mín stafræna bókahilla

Í tilefni af viku bókarinnar kom ég mér upp bókahillu á shelfari. Slóðin á mína hillu er shelfari.com/salvor og svona lítur hillan út núna: Það er auðvelt að skrá sig inn og setja bækur í bókahillur,það er feiknaöflug leit, það þarf aðeins og slá inn höfund eða titil bókar eða IBSN númer og hægt er að merkkja bækurnar í hillunni eftir því hvort það eru bækur sem  maður er búinn að lesa eða ætlar að lesa. Það er svo hægt að líma bókahilluna inn á blogg eða tengja beint við facebook og fleiri kerfi.

Þetta er sniðugt fyrir bókaklúbba og lestrarfélög og leshringi. Ég hef í gegnum tíðina öðru hverju verið í einhvers konar bókmenntaleshringjum og þá væri svona verkfæri alveg tilvalið. Eina sem ég er óánægð með er hvað hin stafræna forsíða á sumum íslensku bókunum sem ég fletti upp er fátækleg. Það vita allir bókaunnendur að það er hluti af gleðinni að hafa bækurnar í vönduðu og fallegu bandi upp í bókahillu, það gildir nú líka þegar bækurnar eru komnar í stafrænar hillur.

Í tilefni af viku bókarinnar er hægt að prenta út ávísanir sem gilda sem afsláttur fyrir prentaðar bækur. Ég held nú að smán saman muni bæði prentaðir peningar og prentaðar bækur hverfa og bókahillurnar færast inn í netheima. Reyndar mun bókaformð þá ef til vill leysast upp en við munum nú eftir sem áður segja sögur sem lýsa upp tilveru okkar og búa til skynfæri okkar.  

Hvetja fólk til að prenta peninga

Athugasemdir

[Júlíus Valsson, 22.4.2008 kl. 12:48]

Takk fyrir þessa skemmtilegu ábendingu Salvör. Ég "henti" nokkrum bókum í hilluna til að prófa þetta og var þetta mjög aðgengilegt og auðvelt í notkun.

[Júlíus Valsson, 22.4.2008 kl. 12:49]

æi, ég gleymdi slóðinni: http://www.shelfari.com/drvalsson/shelf

[Baldur Fjölnisson, 22.4.2008 kl. 18:21]

Frábært.

Mín hilla: http://www.shelfari.com/gammon/shelf

Með kveðju,

Baldur F.

[Baldur Fjölnisson, 22.4.2008 kl. 21:22]

Free Online Education

http://education.jimmyr.com/