Föndur dagsins : Zapatista vetrarhúfur

Ég held áfram með föndurþátt á þessu bloggi og föndurhugmynd dagsins er Zapatista vetrarhúfur fyrir íslenska veðráttu.  Þetta eru einkar klæðilegar flíkur og henta vel fyrir íslensk vetrarveður. Auðvelt er að prjóna svona húfur og má prjóna bæði á hringprjón og sem klukkuprjón eða garðaprjón. Svo má skreyta húfurnar með ýmsum merkjum og þær þurfa ekki endilega að vera svartar og það má gjarnan setja húfu á húfu.

Það má líka kynna sér uppruna húfunnar hérna: 

Hvað er Zapatista?

Lausleg samantekt um zapatista-uppreisnina í Mexíkó og

 Póstmódernísk bylting

 
Fleiri myndir af þessum fallegu húfum

Zapatista menningin er mjög myndræn og tíðkast að skreyta byggingar og veggi og bera borða með myndum. Zapatistar eru uppreisnarmenn sem berjast fyrir réttindum frumbyggja í Chiapas sem er  fátækasta héraðið  í Mexíkó.

 

Föndur dagsins - Framsóknarlokkar

Fyrsta föndur dagsins er þessir eksótísku eyrnalokkar. Ég náði mér í tvo barmmerki á nítíuára afmælinu í gær og svo keypti ég festingarnar í föndurbúð neðarlega á Skólavörðustíg. Það tók innan við mínútu að föndra þetta og kostnaðurinn við festingarnar var hverfandi.  

Ég er að skrifa manifesto fyrir bloggföndrið mitt en það á að vera í diy anda, nota hluti sem eru auðfáanlegir, kosta lítið eða gefnir og nota þá alls ekki á þann hátt sem til var ætlast heldur búa til eitthvað nýtt sem hefur einhverja nýja merkingu eða boðskap.

Núna næstu mánuði muni föndrarar hafa mikinn aðgang að alls konar pólitísku hráefni, barmmerkjum, blöðrum, pappírsdóti og þess háttar og það er upplagt að föndra eitthvað nýtt úr þessu, jafnvel setja saman merki frá mismunandi stjórnmálaöflum í hálsfestar eða eðar list sem maður ber á sér eða klippimyndir  eftir því hvernig stjórnarmynstur  föndrarinn vill sjá eftir kosningar.

 

Mynd mín af Hallgrími Péturssyni

Ég ætlaði á sýninguna í Hallgrímskirkju á laugardaginn þar sem margir listamenn sýna myndir sínar af Hallgrími Péturssyni en ég fór dagavillt. Ég skóp því mína eigin mynd af Hallgrími Péturssyni í þann efnivið sem ég þekki. Þemað er holdsveiki og trú, líkami og sál.

Hér er myndin:

Myndin er  er remix mitt úr þremur myndum sem ég fann á Wikimedia Commons. Þema myndarinnar er innblásin trú, mót austurs og vesturs, þeir sem eru utan gátta, veikir afskæmdir og útskúfaðir.  Bakgrunnurinn er mynd úr kórani Al Andalus frá 11. öld og mynd af holdsveikrakapellu í Cambridge. Í forgrunni er máluð mynd af íslenskri holdsveikri konu úr Íslandsleiðangri fyrri tíma.  

Olíumálverk - Snerting, sjón og tjáning

Einhvern tíma geri ég kannski flóknari olíumálverk en þetta er sem sagt mynd af þremur málverkum eftir mig sem ég var að klára.  Fyrsta myndin er um snertingu, næsta mynd um það sem maður sér og þriðja myndir er um tjáningu. Ég rúllaði bláa grunninn með lítilli málningarrúllu. Það kemur bara vel út, liturinn verður þynnri en ella.

Olíumálun - fyrsta myndin

Hérna er fyrsta málverkið sem ég klára í vetur. Ég er á námskeiði hjá Jóni Reykdal. Ég hef ekki snert á olíumálun í fimmtán ár og það var fyrst erfitt að opna túpurnar aftur. Það tók líka tíma að læra á miðilinn og ég mála margoft ofan í sömu myndirnar.  En hér er semsagt fyrsta myndin sem ég ætla ekki að mála ofan í einu sinni enn. Alla vega ekki í bili.

 Ég er ekki búin að velja titil á myndina og veit reyndar ekki af hverju hún er. Bara tvær manneskjur sem horfa út í bláinn. 

 

 

Jumpcut - Iceland 2006

English: Here I am trying out jumpcut.com which is online videoeditor where you can edit your own videoclips (photos, audio and clips) and also remix other people clips. It is like Moviemaker but has more features and is totally online - and the best thing is this REMIX feature.

Icelandic: Hér er ég að prófa Jumpcut sem er vefþjónusta þar sem hægt er að setja saman stuttmyndir úr myndum, hljóðskrám og myndskeiðum. Það er líka hægt að endurblanda (remix) því sem aðrir hafa gert í eitthvað nýtt.

Dagatal og myndir í geisladiskahulstrum

 

Ef þú átt  geisladiskahulstur sem þú notar ekki lengur  núna þegar þú hefur fært alla tónlistina þína á ipodinn þá getur  breytt  þeim í myndaramma fyrir myndir og  fyrir þitt eigið dagatal.   Þú velur mynd og býrð til dagatalið á þessari slóð http://flagrantdisregard.com/flickr/calendar.php , passar að haka við að þú viljir CD diskastærð og svo prentar þú út myndina á litaprentara og setur í hulstrið. Hér eru leiðbeiningar:
http://flagrantdisregard.com/flickr/calendar-instructions.php

þú getur líka sett myndir í geisladiskahulstrin og hengt þau upp á vegg. Hér eru leiðbeiningar um það: http://www.photojojo.com/content/diy/cd-jewel-case-wall-frames/